Kristiano Ronaldo ka shprehur ngushëllime familjes së Pele-s për ndarjen nga jeta të legjendës braziliane të futbollit.
Në Instagram, Ronaldo ka postuar një foto sëbashku me Pelen, teksa shkruan se një lamtumirë e thjeshtë nuk do të mjaftojë kurrë për të shprehur dhimbjen e vdekjes së 82-vjeçarit.
Ronaldo thotë se Pele ishte një frymëzim për miliona njerëz në të gjithë botën, dhe do të jetë një referencë për të gjithë futbolldashësit përgjithmonë.
Reagimi i Kristiano Ronaldos:
Ngushëllimet e mia për të gjithë Brazili, dhe në veçanti për familjen e z. Edson Arantes do Nascimento. Një “lamtumirë” e thjeshtë për Mbretin e përjetshëm Pelé nuk do të mjaftojë kurrë për të shprehur dhimbjen që aktualisht përfshin gjithë botën e futbollit.
Një frymëzim për miliona njerëz, një referencë nga dje, sot dhe përgjithmonë. Dashuria që tregonte gjithmonë për mua ishte reciproke në çdo moment që ndamë bashkë, qoftë edhe nga larg. Ai nuk do të harrohet kurrë dhe kujtimi i tij do të jetojë përgjithmonë në secilin prej futbolldashësve. U prefsh ne paqe mbreti Pele.
Discussion about this post