Mesditën e sotme një 23- vjeçar i identifikuar me emrin Lazar Palla është gjetur i mbytur në ujërat e rezervuarit të fshatit Sqepur në bashkinë Dimal.
I riu ishte shurdh memec, ndërsa ditën e diel ishte larguar nga banesa e tij. Familjarët bën denoncimin në polici dhe nisi puna për kërkimin e tij.
Ai është gjetur sot nga forcat RENEA dhe polumbarët. Një prej banorëve të zonës ku jetonte i riu ka thënë se ishte djalë shumë i mirë dhe nuk mendonte se ai ishte mbytur.
“Çdo njëri e kuptonte kur fliste, ishte i dashur, nuk e beson njëri që është mbytur, ai ishte i gjatë dhe i fuqishëm e kam parë për herë të fundit para 9 ditësh, çun shumë i mirë, bënte me mua muhabet, ai me ca të merrej, djalë shumë i ndershëm, i pastër, i sjellshëm të gjitha cilësitë që kishte njeriu. Mos o zot, fatkeqësi e madhe, s’ke cu bën”- tha një prej banorëve që e njihte nga afër 23-vjeçarin.
Discussion about this post