Thuajse 45 ditë pas ngjarjes shokuese në një hotel luksoz në zonën e Qerretit në Kavajë, Instituti i Mjekësisë Ligjore, ka mundur të përcaktojë shkakun fillestar të humbjes së jetës së anëtarëve të familjes ruse që kishte zgjedhur Shqipërinë për të pushuar. Sipas ekspertizës mjeko-ligjore, “në trupat e viktimave, u konstatua prania e monoksidit të karbonit në masën mbi 75 përqind”, duke hedhur poshtë dyshimet se vdekja e 4 turistëve, kishte ardhur si pasojë e përdorimit të tepruar të klorit.
Gjithashtu, nga ekspertiza e kryer ka rezultuar se rusët nuk kanë patur ndonjë reaksion apo helmim nga ushqimi që mund t’u shkaktonte atyre vdekjen. Ndonëse është përcaktuar zyrtarish nga institucioni përkatës, eskpertiza e humbjes së jetës të 4 turistëve rus, Prokuroria ka kërkuar hetime të mëtejshme duke thirrur Shërbimin Sekret të Ushtrisë, me qëllim për të kryer një eksperiment hetimor në të njëjtat kushte që ka ndodhur ngjarja. Ku përmes këtij eksperimenti do të duhet të provohet nëse dioksidi i karbonit, është shkaktuar në ajër si pasojë e keqfunksionimit të kaldajës në hotel dhe mungesës së sistemit si duhet të ventilimit, apo për arsye të tjera. Ky eksperiment pritet të përcaktojë përfundimisht shkakun e vërtetë të vdekjes së 4 turistëve rusëve, për t’i dhënë fund misterin që kjo tragjedi mbart.
Sergei Burenkov, gruaja e tij, vajza dhe dhëndri, humbën jetën në mënyrë të mistershmë mbrëmjen e 15 tetorit 2021, në pishinën e mbyllur të hotelit ‘Gloria Palace’.
Discussion about this post