Një ngjarje tragjike ka tronditur vendin ditën e djeshme ku një skaf goditi për vdekje një të mitur në plazhin e Potamit në Himarë. Moderatori i njohur Ardit Gjebrea ka reaguar për vdekjen e 7-vjeçares, e cila u përplas nga komisari Arjan Tase .
Nëpërmjet një postimi në Facebook, Gjebrea shprehet i pikëlluar për vdekjen e vogëlushes, ndërsa thotë se vetëm ata që janë prindër mund të kuptojnë se çfarë po kalojnë prindërit e vogëlushes.
“Nuk ka gjumë dot sonte! Mendja është vetëm tek vogëlushja e familjes Abdia, çfarë fatkeqësie!
Prindërit e mjerë sapo vulosën me zi jetën e tyre. Vetëm ata që janë prindër mund të kuptojnë se çfarë po kalojnë sot nëna dhe babai i engjëllit të vogël.
Ndërsa çmenduria me të cilën tashmë jemi mësuar prej 32 vitesh gjithmonë në tranzicion, nuk ka fund:
Det pa kufi ndarës në zonat ku janë mjetet e motorizuara.
Plazhistë që notojnë me gomone, skafe e jet ski që u vijnë rrotull.
Asnjë limit shpejtësie, asnjë kontroll!
Trishtim!
Ngushëllime familjes Abdia dhe paqe për shpirtin e pastër e të pafajshëm!”, shkruan moderatori në Facebook.
Discussion about this post