Vendi ynë ka pasur rritjen më të lartë të numrit të vdekjeve, në krahasim me mesataren e 2015-2019. Sipas FMN, në 2020-n vdekjet shtesë ishin mbi 20% më të larta së mesatarja e 2015-2019, e para në Europë, e ndjekur nga Maqedonia e Veriut (rreth 18%) dhe Kosova e treta me rreth 17%. Nga shtetet e rajonit, vdekshmëria më e ulët shtesë ishte në Serbi (rritje rreth 10%), Bosnjë (+15%).
Shqipëria në vitin 2020 kishte një nga rëniet ekonomike më të ulëta në Europë, me -3.3% (Italia p.sh. u tkurr me rreth 9%), por kjo rezulton se ka ardhur me kosto të larta në jetët e humbura. Italia, që u përball me valën e parë të pandemisë shënoi për gjithë vitin një rritje të vdekshmërisë shtesë me më pak se 14%, në raport me mesataren e 2015-2019. Humbjet e larta të jetëve në vend erdhën ndonëse jemi ndër shtetet me moshën mediane (që ndan popullsinë në dy pjesë të barabarta, një me moshat nën moshën mediane dhe tjetra mbi moshën mediane) më të re në Europë, sipas një grafiku tjetër të publikuar po në raportin e FMN. Mosha mesatare në Shqipëri është rreth 37-37 vjeç.
Edhe një raport i mëparshëm Komisionit Europian njoftoi se Shqipëria kishte shtesën e vdekjeve në vitin 2020 më të lartën në Europë, si pasojë e përhapjes së pandemisë Covid-19. Në grafikun e publikuar nga Komisioni Europian në një raport të Këshillit të Bashkëpunimit Rajonal (RCC) vdekjet shtesë në Shqipëri gjatë vitit 2020 ishin 27% më të larta se vdekjet mesatare vjetore në periudhën 2016-2019 (ndryshimi me shifrat e FMN-së lidhet me faktin se në 2015-n në vend ka pasur vdekje më të larta se në 2016-2019- shënim i Monitor). Kjo përqindje ishte më shumë se dyfishi i vdekjeve shtesë në BE dhe më e larta ndër Rajonin e Ballkanit. Po ashtu, tremujorin e parë të vitit 2021, vdekjet për 54 javë pandemi (për periudhën nga 2 marsi 2020 deri në 15 mars 2021) fatalitetet u rritën me 41%
