Vdes 32-vjeçarja në Cërrik, e zë korrenti duke u larë në dush

Një ngjarje e rëndë raportohet se ka ndodhur në Cërrik.

Një e re 32 vjeçare ka qenë duke u larë në dush, ku e ka zënë korrenti.

Për pasojë, ajo ka ndërruar jetë. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

Ngjarja ka ndodhur rreth orës 20:45 minuta.

“Cërrik/ Informacion paraprak

Rreth orës 20:40, në lagjen nr. 1, në banesë, shtetasja I. M., 32 vjeçe, banuese në Cerrik, gjatë kohës që ka qenë duke u larë në dush, dyshohet se ka rënë në kontakt me rrymën elektrike dhe për pasojë ka humbur jetën.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, njofton policia.