Vdes 45-vjeçari në Dimal, e zë poshtë traktori

Një ngjarje tragjike ka ndodhur këtë mbrëmje në Dimal të Beratit.

Një 45-vjeçar ka ndërruar jetë, pasi është zënë poshtë nga traktori.

Mësohet se burri ka qenë duke punuar, kur dhe ka ndodhur aksidenti i rëndë.

Ngjarja ka ndodhur në fshatin Sheq, rreth orës 18:40 minuta.

“Berat/Informacion paraprak-Rreth orës 18:40, shtetasi R.D., 45 vjeç, në fshatin Sheq, Dimal, duke punuar tokën me mjet buqësor (traktor), dyshohet se aksidentalisht mjeti buqësor është përmbysur dhe e ka zënë poshtë. Për pasojë 45-vjeçari ka humbur jetën.

Grupi hetimor po punon për zbardhjen e rrethanave të ngjarjes”, njofton policia.