Vdes 60-vjeçari shqiptar që u qëllua me plumb në gjoks në Greqi!

Viktima 60-vjeçare e sulmit me armë zjarri në Greqi, mbrëmjen e së enjtes (30/11), ka ndërruar jetë pas plagëve të marra.

Personi me origjinë shqiptare ishte në kërkim për përfshirje në bandat, drogë, trafik të paligjshëm cigaresh dhe falsifikim, sipas raportimeve.

Vlerësimet e para të policisë janë se bëhet fjalë për larje hesapesh. Viktima është identifikuar si Thimi Roland Droboniku alias Thimi Roland Prifti, 60 vjeç nga Shqipëria.

Si ndodhi sulmi vrasës në Paleo Faliro

Pak pas orës 21.00, qytetarët kanë telefonuar në polici dhe raportoi se një person ishte qëlluar me armë zjarri teksa ishte në rrugë pranë një pallati në rrugën Atlas.

Personi u qëllua në gjoks dhe u dërgua i gjallë në Evangelismos, por pak më vonë 60-vjeçari vdiq.

Në vendngjarje janë gjetur dy gëzhoja 9 mm, ndërsa hetimet paraprake janë ndërmarrë nga policia.