Vdes aksidentalisht në punë një person në Divjakë, dyshimet e para

Një 53-vjeçar ka humbur tragjikisht jetën në Divjakë, pasi u aksidentua në ambientet e një kompanie ku po punonte.

Ngjarja ndodhi brenda një subjekti që merrej me paketimin e produkteve ushqimore. Sipas informacioneve paraprake bëhet me dije se 53-vjeçari u godit nga një makineri në këtë kompani.

Ai ndërroi jetë gjatë transportimit në spital.

Njoftimi i policisë

Divjakë/Informacion paraprak

Rreth orës 10:00, në ambientet e një subjekti për paketimin e produkteve ushqimore, në pronësi të shtetasit R. J., dyshohet se aksidentalisht, është dëmtuar nga një makineri, punonjësi i subjektit, shtetasi I. L., 53 vjeç, i cili ka humbur jetën gjatë transportimit në spital.

Grupi hetimor ndodhet në vendngjarje dhe po punon për sqarimin e rrethanave të ngjarjes.