Linda Kaba, motra e Xheni Kabës e cila humbi jetën nga Covid në Turqi, ka reaguar pas lajmit të trishtë.
Ajo ka postuar një dedikim prekës në rrjetet sociale, ku thotë se Xheni la vajzën jetime, për të cilën nuk duhet ta ketë merak pasi do ta rrisë siç ajo donte.
“O shpirti im o Xhen pse motra pse ike kështu, si do jetoj unë pa ty o drita ime o shpirt i shpirt tim. Ti ishe një lule e pa çelur akoma po se Zoti vë dorë te njerëzit e mire. O Zot pse, o sa gjera kam për të të thënë o xhan i motrës. Gjerat e tua të mira nuk kanë fund po Zoti nuk të la më, të donte afër vetes që te jesh një lule e bukur në parajsë. Shpirti ime prehu në paqe mos ki merak për gocën se do ta rris motra siç ti kishe ëndrra që nuk tu realizuan kurrë. Sa mall kam për ty o drita ime”, shkruan e motra, Linda Kaba.
Xheni Kaba ishte infektuar me Covid-19 në ditët e fundit të muajit gusht, kur ishte në muajin e shtatë të shtatzënisë. Gjendja e saj u përkeqësua dhe e reja u shtrua në spitalin Infektiv, ku për shkak të niveleve të oksigjenit, mjekët vendosën të ndërpresin shtatzëninë dhe të sjellin ne jetë foshnjën në javën e 31.
