Të tjera detaje janë zbardhur për vdekjen e 66-vjeçares Liliana Semës në Ferras të Fierit, e cila u gjend e pajetë në banesë e saj. Burimet bëjnë me dije se e moshuara jetonte vetëm prej disa kohësh mes të ftohtit dhe kushteve mizerable. Në një prononcim për mediat, vëllai i saj, Baçi Gjoleka shprehet se e gjeti trupin e të motrës të ngrirë nga i ftohti. Ai thekson se i kishin prerë dritat për shkak se nuk kishte mundësi t’i paguante.
“Ne e gjetëm të ngrirë nga i ftohti. Ja kishin prerë dritat, kishin 10ditë që ja kishin prerë. Ajo nuk kishte lekë t’i paguante. Unë e gjeta të ngrirë. Doktori tha që ka ngrirë nga i ftohti“, tha ai.
Djali i të ndjerës, Kushtrim Sema shprehet se e ëma jetonte në kushte shumë të vështira dhe se mblidhte kanaçe për të jetuar. Ai pretendon se 66-vjeçarja i kishte paguar dritat deri në muajin dhjetor, e megjithatë energjia i ishte ndërprerë, duke mos i lënë mundësinë që të kishte qoftë dhe një ngrohëse për të përballuar ditët e acarta që përfshinë vendin. Kështu ata kanë akuzuar OSHEE për këtë ngjarje.
Discussion about this post