Një ditë pas Kuvendi i PD i thirrur nga ish-kryeministri Sali Berisha vendosi shkarkimin e Lulzim Bashës, ka reaguar ish-presidenti Bujar Nishani.
Në një postim në Facebook, Nishani shkruan se tani Basha është vetëm një deputet deri në zgjedhjet e tjera, ndërsa e ironizon duke thënë se nuk ka më askënd që t’i shkojë nga pas.
“Nuk besoj se ka ndonjë individ që aspiron politikën e që ti shkojë më sot pas Lulzim Bashës. Lulzim Basha tashmë është veçse një deputet deri në zgjedhjet e parakohshme parlamentare e mandej ikën në Holandë. Shqipëria do të bëhet”, shkruan Nishani.
Pas Kuvendit dje që votoi me 4446 fleta pro shkarkimit të Bashës, u ngrit edhe një grup Komisioni i Përkohshëm me 29 anëtarët për të nisur të gjitha procedurat e nevojshme deri në momentin e zgjedhjes së një lideri të ri. Ky Komision do të drejtojë partinë deri më 22 mars 2020 kur do të thirret një Kuvend i ri për të zgjedhur liderin e ri të PD dhe funksionarët e tjerë.
Discussion about this post