Vedat Muriqi po vazhdon të shkëlqejë në elitën e futbollit turk, ndërsa këtë herë ka qenë protagonist absolut në ndeshjen e Fenerbahçes ndaj Eyupsporit.
Sulmuesi kosovar e nisi spektaklin që në minutat e para, pasi në minutën e dytë fitoi një penallti për skuadrën e tij. Fenerbahçe e shfrytëzoi mundësinë nga pika e bardhë për të kaluar në epërsi.
Vetëm pesë minuta më vonë, në minutën e shtatë, Muriqi e gjeti vetë rrjetën për të dyfishuar epërsinë e Fenerbahçes. Kosovari tregoi edhe një herë instinktin e tij në zonën kundërshtare, duke e dërguar topin në rrjetë.
Muriqi nuk u ndal me kaq. Në minutën e 21-të, sulmuesi realizoi edhe golin e dytë personal, duke e çuar Fenerbahçen në një epërsi të madhe dhe duke kompletuar një paraqitje fantastike brenda vetëm 21 minutave.
Me dy golat e shënuar ndaj Eyupsporit në fitoren e thellë deri tani 5-0, Muriqi po konfirmon formën e shkëlqyer në fillim të sezonit dhe po dëshmon se është një prej lojtarëve më të rëndësishëm të Fenerbahçes. Ai deri tani ka katër gola në elitën e futbollit turk.
Discussion about this post