Vejusha ukrainase përballet me vrasësin e burrit: Le të kalbet në burg!

Katerina Selipova është përballur me vrasësin e bashkëshortit të saj. Vejusha e pa në në sy ushtarin rus 21 vjeçar ndërsa i tha që të kalbet në burg.

“E di që është ushtar dhe zbaton urdhrat, por pse nuk qëlloi në tokë apo në ajër? “Ai do të duhet të kalbet në burg dhe të kalojë pjesën tjetër të jetës duke menduar për atë që ka bërë. “-tha ajo.

Duke folur për Daily Mail, Katerina Selipova tha: “Për 39 vite burri im ishte një njeri paqësor, një pensionist që nuk përbënte kërcënim për rusët.”  Ushtari rus Vadim Sisimarin e pranoi dje para trupës gjykuese në Kiev se është fajëtor, dhe se i ka marrë jetën një 63-vjeçari të paarmatosur ukrainas Oleksandr Selipov.

Ai tha se po ndiqte urdhrat e superiorit. Kujtojmë se ajo e djeshmja ishte seanca e parë gjyqësore për krime lufte në Ukrainë që nga nisja e pushtimit rus.

Rreshteri nga Irkutsk-u i Siberisë, rrëfeu se e qëlloi Selipovin me një kallashnikov nga dritarja e hapur e një makine të vjedhur ndërsa ai po ngiste një biçikletë pranë shtëpisë së tij në fshatin Tsupakhivka, më 28 shkurt.