Aktori i njohur Rezart Veleshnja ka reaguar lidhur me hetimet ndaj ish-zv.Kryeministrit Arben Ahmetaj, për të cilin SPAK kërkon arrestimin duke i ngritur 3 akuza: korrupsion, pastrim parash dhe fshehje pasurie.
Veleshnja, përmes një video në Instagram, shprehet se nuk mjafton vetëm dënimi me burg për ish-ministrin, por i bën thirrje atij të kthejë paratë që ka vjedhur.
“Një gjë nuk arrij të kuptoj unë: vjedh ministri lekët, merr makinën dhe ikën në Angli dhe të gjithë thonë që, do bëjë burg ai për këtë që bëri.
Ore ç’është ky muhabet? Ashtu po e bëj dhe unë po vjedh arkën e shtetit, po vjedh nga 30 milionë euro dhe po ju them ‘më prangosni ju lutem, le të bëj 5 vjet burg!’ O vëlla kthe pasurinë vëlla!
Të kthejë paret që ka marrë, t’i sekuestrohet ajo pasuri dhe të kthejë lekët.
Është dëm i madh që i ka bërë popullit, se janë taksat tona. Vithka Beni, bëka 5 vite burg, po hajt se i bëj unë 5 vite burg për qejf, vetëm jo me Safet Gjicin aman se ai shef mishin”, shprehet aktori.
Discussion about this post