Është kundër ligjit, por ndodh rëndomë në tenderët e Veliajt, që një biznesmen të marrë pjesë në garë me të 2 kompanitë e tij. Gjithsesi, ai nuk është biznesmen dosido, por miku i kryeministrit Rama. Bëhet fjalë për Andi Efthimin, i cili ka fituar ditën e martë një tender të dyshimtë. Prokurimi ka objekt “Studimi dhe Projektimi i elementëve të sigurisë rrugore për rrjetin ekzistues të korsive të biçikletave, përmirësimi, shtimin dhe kompletimin e tyre”, të hapur nga Bashkia Tiranë.
Sikur të mos i mjaftonin miliardat që hodhi për këto rrugë biçikletash, që u bënë legjendë, Veliaj do të bëjë të tjera shpenzime në emër të tyre. Sipas të dhënave të tenderit, vetëm për përmirësimin e sinjalistikave të biçikletave, Veliaj do të shpenzojë 110 milionë lekë. Këto para merren nga buxheti i këtij viti. Edhe pse plani ishte që punimet për korsitë e biçikletave të mbylleshin me fondet e lëvruara nga buxheti i vitit 2022.
Më tutje, evidentojmë se tenderi është firmosur në kundërshtim me ligjin. Konkretisht, Bashkia ka shkelur dy rregullat kryesore: atë për konkurrencën e drejtë dhe vlerësimi i ofertave më të lira për të shmangur riskun e fondit limit.
Së pari, Veliaj ka skualifikuar nga gara 2 ofertat e tjera dhe ka lënë të vlefshme vetëm ofertën e bashkimit të firmave SEED CONSULTING SHPK & ATELIER 4, në pronësi të Andi Efthimit. Kjo e fundit ka marrë fitoren në mungesë të konkurrencës. Ndërsa vëmë re se oferta e kompanisë tjetër ka qenë 10,761,000 lekë, 5 milionë lekë më lirë. Madje kompania e eliminuar ka pasur vetëm 06.6 pikë më pak se fituesja. Pra, dallimin e bëri vetëm plani i Veliajt, që kishte paracaktuar me kohë fituesin.
Kush është miku i Ramës
Sikur e përmendem më sipër fituesit SEED CONSULTING“SHPK & “ATELIER 4, janë të dyja në pronësi të Andi Efthimi.
Konkretisht, firma SEED Consulting sh.p.k e themeluar në vitin 2014, është një kompani që administrohet nga Alban Efthimi dhe Ylli Gjoni. Si dhe ka për aksionerë Andi Eftihimin, Alban Eftihimi, Altin Premtin, Olsi Eftihimin dhe Ylli Gjonin.
Në fakt pronari i vërtetë është Andi Efthimi, pasi është themeluesi i kësaj kompanie. Gjithashtu nga të dhënat e siguruara nga QKB rezulton se ai ka 12.5% të aksioneve si person fizik në këtë kompani, dhe 60% të aksioneve i ka përmes firmës Zurich Investment Group, e cila është një tjetër kompani e tij. 
Ndërsa firma “ATELIER 4”, e cila u fitoi tenderin në fjalë, është sërish në pronësi të Andi Eftihimit. Gjithashtu aksionerë janë personat e sipërpërmendur. Pra, miku i Ramës ka garuar me dy firmat e tij, për ta pasur të sigurtë fitoren.
Sakaq, vlen të shtojmë se kompania “Atelier 4” është njëkohësisht e preferuara e kreut të Bashkisë Tiranë. Bashkëpunëtore e “Ateliar” 4 ka qenë në shumë raste edhe Rea Xhillari, vajza e bashkëshortes së kryeministrit. Shumë projekte në vend, që pas vitit 2013 mbajnë vulën e “Atelier 4”. Epo miku i Ramës qenka shumë i fortë dhe paska goxha ndikim. Kështu që Veliaj nuk mund ta linte pa tender.
Lexo edhe:Caushaj, mik për kokë i Veliajt/ Merr pa garë tenderin 100 mln lekë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post