Prokuroria e Posaçme kundër Korrupsionit dhe Krimit të Organizuar (SPAK) ka refuzuar kërkesën e avokatëve britanikë për të takuar kryebashkiakun e Tiranës, Erion Veliaj, i cili ndodhet në paraburgimin e Durrësit.
Një javë më parë, avokatët i kërkuan SPAK zhvillimin e një takimi më 10 shtator, që Veliaj të firmoste aplikimin për dërgimin e çështjes së arrestit të tij në Gjykatën Evropiane të të Drejtave të Njeriut në Strasburg,
Aplikimi në Strasburg, sipas mbrojtësve të kryebashkiakut, tashmë do realizohet pa takimin e programuar me avokatët britanik.
Kujtojmë që kryebashkiaku ndodhet në qeli që prej shkurtit të vitit 2025, ndërsa ndaj tij, SPAK ka ngritur akuza për korrupsion pasiv në 9 episode, pastrim parash, fshehje dhe mosdeklarim pasurie, shpërdorim detyre, si dhe futje të sendeve të paligjshme në qeli.
Discussion about this post