Pas disa ditëve “pushim” Veliaj rikthehet me vrull për të zhvilluar një sërë tenderësh pa garë. Ditën e sotme është publikuar tenderi i fundit i zhvilluar në shkelje të ligjit nga Bashkia Tiranë. Tenderi me numër reference REF-28033-05-09-2022 dhe objekt “Blerje materiale të imta” është dhënë pa garë nga Drejtoria e Përgjithshme e Çerdheve dhe Kopshteve Tiranë. Konkretisht, bëhet fjalë për blerje çarçafësh dhe këllëfë jastëkësh, për të cilat Veliaj ka firmosur fondin 56 milionë lekë. Është lëvizje e mirë që Bashkia mendon të blejë produktet e nevojshme për ambientet ku fëmijët kalojnë një pjesë të mirë të kohës, por të dhënat tregojnë që qëllimi kryesor i bashkisë nuk ka qenë ky. Përkundrazi, ky tender është hapur vetëm për të vjedhur disa para dhe për të mos lënë pas dore fituesin Gentian Sadiku, që ka përpirë shumë tendera të tjerë nga disa institucione.
Në dokumentet e tenderit evidentohet se vetëm personi fizik Gentian Sadiku ka paraqitur ofertë. Veliaj nuk e ka pezulluar garën sikur e kërkon ligji, por ka shpallur fitues Sadikun pa garë. Pikë tjetër e ligjit e shkelur në këtë tender është tejkalimi i fondit limit, pasi nuk është zbatuar ligji për këtë marrë në konsideratë ofertë të ulët. Gentian Sadiku ka paraqitur ofertën 5. 636 500,00 pra 98% e fondit limit dhe bashkia nuk e ka marrë në konsideratë këtë kriter që është shkelur por brenda pak ditësh ka mbyllur tenderin dhe ka njoftuar fituesin. Kështu me shkelje flagrante të ligjin fluturuan 56 milionë lekë nga duart e taksapaguesve në xhepat e Gentian Sadikut dhe Erion Veliaj.
Gentian Sadiku, çdo tender pa garë
Gentain Sadiku merr pjesë në gara si person fizike dhe nga të dhënat e publikuara nga “Open Data” rezulton se pjesën më të madhe të tenderëve e ka marrë pa garë. Tenderi më i fundit pa garë i është dhënë në muajin prill nga Bashkia Elbasan, 10 milionë lekë për veshje pune të punonjësve në ujësjellës. Edhe në këtë rast ka paraqitur ofertë vetëm Sadiku dhe asnjë kompani tjetër. Serish me vlerë të njëjtë me fondin limit ai i shpall fitues dhe gllabëroi nga Bashkia Elbasan. Ndërkaq, edhe nga Bashkia Tiranë ka marrë shumë herë tender pa garë dhe ajo që bie në sy është se Veliaj i jep kontrata me vlerë të lartë. Vetëm disa javë më parë Gentian Sadiku ka përfituar në shkelje të ligjit tenderin 55 milionë lekë për veshje speciale për Drejtorinë e Ndriçimit Tiranë.
Ndërkohë po nga Veliaj, në mars të 2020 Gentian Sadiku ka marrë 2 tendera me vlerë 9 milionë lekë, me argumentin “në kuadër të fatkeqësive natyrore”, ku në fakt nuk kishin asnjë lidhje me rindërtimin dhe as me vlerësimin e dëmeve të tërmetit të datës 26 nëntor. Kërkesa e bashkisë së Tiranës ka qenë për blerje të uniformave të shërbimit të Mbrojtjes nga Zjarri dhe Shpëtimit.
Kompania e parë fituese “Blerina Sadiku”, përmes negocimit dhe jo tenderit të hapur, ka fituar të drejtën për një shumë prej 3.6 milionë lekësh.Marrëveshja e dytë është firmosur më shoqërinë “Gentian Sadiku”, vlera në total e ofertës shkon në 5.4 milionë lekë. Ajo çfarë të bën përshtypje është se ende nuk ka të dhëna se sa uniforma do të blejë bashkia e Tiranës dhe cilat janë negociatat e zhvilluara. Sadiku duket sikur e ka trend që çdo tender e fiton pa garë dhe është më i privilegjuar në Bashkinë Tiranë/E.H/ Gijotina.com
Discussion about this post