Tenderët në shkelje të ligjit janë kthyer tashmë në “hobi” për kryebashkiakun Erion Veliaj. Këtë herë skema për abuzim i ka ecur huq për shkak se ka zbardhur pa dashje shkeljet që janë bërë. Tashmë dihet se tenderit nga Bashkia Tiranë klasifikohen në listën e kontratave “Red Flag”, për shkak se firmosen në shkelje të ligjit dhe lënë hapësira për abuzime dhe cenim tregu. Në çdo rast Veliaj zhvillon tenderë pa garë, ose shpesh skualifion pa të drejtë kompanitë dhe lë në garë vetëm operatorin që ai e ka mik, duke dhënë kontrata gjithmonë me çmimet më të larta. Të njëjtën gjë ka bërë edhe me këtë herë, por “gabimi” me skualifkimin e operatorëve duket hapur te dokumentet e publikuara, pasi një operator renditet edhe tek kompania fituese edhe tek lista e të skualifikuarve, ndërsa më poshtë në shpjegimin e procedurave shfaqet fituese një tjetër kompani.
Konkretisht, bëhet fjalë për tenderin me objekt “Mbikëqyrja e punimeve për objektin: “Ndërtim pedonale, pistë vrapimi dhe korsi biçikletash në liqenin e Farkës” me fond limit 3.8 miliardë lekë. Në paraqitjen e dokumentit me të dhënat e tenderit, ku përfshihen konkurruesit, fituesi, afati dhe fondi limit, regjistrohet si fitues kompania “A.SH. Engineering” shpk, ndërsa në dokumentin ku tregohen kompanitë e skualifkuara dhe bëhet njoftimi për kompanin që është cilësuar e suksesshme, fitues regjistrohet “A & E ENGINEERING” shpk. Pra vetë dokumentet e publikuara nuk janë të sakta, çka përbënë shkelje ligjore në bazë të ligjit për prokurimet.
Abuzimi pastaj bëhet edhe me i thellë vetëm për faktin që Veliaj skualfikoi menjëherë kompanitë e tjerë nga gara dhe i dha tenderin kompaninë “A & E ENGINEERING” shpk pa u zhvilluar më parë gara. Duke shtuar kështu një tjetër tender në listën e kontratave “të skuqura” nga shkeljet dhe të rrezikshme për tregun.
Sakaq shtojmë këtu faktin, se Veliaj po shpenzon plot 3. 892. 330.00 vetëm për mbikëqyrjen e punimeve në ndërtimet që po bëhen në Farkë. Më saktë, derdhen miliona euro për të betonizuar Farkën dhe pasuruar kompanitë oligarke. Ku punimet zgjasin nga 19 ditë maksimumi 12 muaj, ndërsa paratë vërshojnë lumë. E.H/ gijotina.com
Discussion about this post