Ka nisur protesta e radhës para Bashkisë së Tiranës. Opozita, që ka organizuar tubimin, kërkon dorëheqjen e Erion Veliajt nga posti i kryetarit të Bashkisë së Tiranës.
Në lidhje me protestën janë marrë masa të shtuara sigurie. Efektivë të shumtë policie dhe barriera metalike kanë rrethuar godinën e bashkisë.
Autobotë me ujë janë vendosur gjithashtu në zonë.
Kjo e kësaj të premteje, është protesta e tretë që zhvillohet pas arrestimeve të drejtorëve të Bashkisë Tiranë lidhur me procedimin penal të njohur si “5D”.
Opozita e cilëson Veliajn si “kreun e bandës së drejtorëve hajdut” dhe “pronarin faktik të inceratorit të Tiranës”. Opozita ka paralajmëruar se protestat do të vijojnë deri në shkarkimin nga detyra të Veliajt. Ndërkohë, ky i fundit mohon akuzat ndaj tij, edhe pse të dhënat e dosjeve hetimore, si ajo për “5 D”, ashtu dhe ajo e inceneratorit të Tiranës sugjerojnë ndryshe.
Discussion about this post