Pasi mbushi qendrën e Tiranës me kulla, kryebashkiaku Erion Veliaj ka filluar aksionin e ndërtimit në zonat periferike. Në maj të vitit muaji është miratuar edhe vendimi përkatës që i jep të drejtën Bashkisë së Tiranës për të vijuar me projektin “Zonë Teknologjike dhe e Zhvillimit Ekonomik (TEDA)”, që do të zhvillohet në Kashar. Ky projekt parashikohet të ketë një vlerë totale investimi prej 102.6 milionë eurosh.
Për shkak të pandemisë ky projekt që kërkon kaq shumë shpenzime u la pezull, ndërsa më datë 17 maj 2023 Këshilli i Ministrave miratoi shpronësimin, për interes publik, të pronarëve të pasurive të paluajtshme, pronë private, që preken nga realizimi i projektit “Zona e teknologjisë dhe zhvillimit ekonomik “TEDA Tiranë”.
Kështu Bashkia ka filluar nga punë, por paratë e planifikuara po hidhen në shkelje të ligjit dhe tregojnë që kemi të bëjmë me aferën e radhës të Veliajt.
Tenderi
Më 16 qershor 2023, Bashkia Tiranë mbylli tenderin me objekt Loti IV: “Mbikëqyrja e punimeve për objektin: “Ndërtimi i infrastrukturës publike brenda zonës TEDA, Tiranë”. Për këtë tender do të shpenzohen 34 milionë lekë, ndërsa theksojmë se këto para do të ikin vetëm për ata që mbikëqyrin punimet.
Por, edhe kjo thërrime e këtij projekti gjigandë është vjedhur dhe është firmosur në kundërshtim me ligjin. Kështu janë dorëzuar pranë komisionit të vlerësimit 12 oferta dhe Veliaj ka favorizuar vetëm njërën prej tyre.
Konkretisht, sipas Open Data, shohim se të gjitha ofertat e tjera janë refuzuara dhe mbeti në garë vetëm oferta nga firmat “Fta Studio” shpk & “ZENIT&CO” shpk. Pas konkurrencë fare ato kanë firmosur kontratën me Bashkinë dhe kanë futur në xhep milionat. ZENIT&CO” shpk është në pronësi të Luiza Tarba dhe “Fta Studio” në pronësi të Fejzulla Tarba, sikur duket ka konkurruar e gjithë familja për këtë tender.
Ndërkohë vlen të përmendim se ZENIT&CO është degëzim i kompanisë koncesionare “Z.M.A” që përfiton nga projekti “Përmirësimi i infrastrukturës Arsimore në Bashkinë Tiranë, ne zonën Tirana 1”.
Në kohën kur vendi po luftonte me Covid-19, kjo kompani ka gjeneruar 402.4 milionë lekë. Ndërkohë fitimi bruto llogaritet prej 4.1 milionë lekë dhe marzhi i fitimit kundrejt të ardhurave është 1%. Dhe tashmë i është premtuar ndërtimi në Kashar.
Hapet tenderi për ndërtim pa u bërë shpronësimet
Ndërkohë shohim se tenderin për “Ndërtimi i Infrastrukturës Publike brenda zonës “TEDA” është hapur në mars të këtij viti, pra dy muaj para se të fillojnë shpronësimet. Bëhet fjalë për një tender me vlerë 4 miliardë lekë.
Deri më tani shpronësimet nuk janë mbyllur ende, prandaj sikur duket edhe për ndërtim nuk është shpallur fituesi. Ndërsa Veliaj ka kaluar menjëherë në fazën e tretë ka shpallur fituesin e mbikëqyrjes së punimeve. Të cilët paratë do t’i marrin, por nuk pritet të kryejnë punë në të ardhmen e parashikueshme. / Gijotina.com/
Discussion about this post