Këshilli i Bashkisë Tiranë është mbledhur sot dhe ka vendosur prishjen e 9 pallateve në kryeqytetet. Lajmin e ka bërë të ditur vetë kreu i Bashkisë, Erion Veliaj, i cili pas mbledhjet tregoi të gjitha vendimet që janë marrë.
Konkretisht, është vendosur prishja e detyruara për pallatin nr.7 (136), rruga “Fabrika e qelqit”, Njësia Administrative nr. 6, prishja e pallatin nr. 8, dhe numër 12rruga “Zall”, Njësia Administrative Krrabë. Gjithashtu do të prishet pallati nr. 29, rruga “Haki Stërmilli”, Njësia Administrative Nr.6. Do të shemben me detyrim; pallati nr. 83/1, rruga “Myslym Keta”, Njësia Administrative Nr. 4; pallati nr. 97, rruga “Llazi Miho”, Njësia Administrative Nr. 6; pallati nr. 21 rruga “Petraq Leka”, Njësia Administrative Nr. 6; pallati nr. 1, rruga “Shaban Hysa”, Njësia Administrative Nr. 6, si dhe pallati nr. 6, rruga “Vangjel Capo”, Njësia Administrative Nr. 4.
Sakaq, Veliaj ka bërë me dije se është rishikuar buxheti i këtij viti për të financuar projektin e kopshtit zoologjik, për avancimin e rijetësimit të piramidës, për financimin e projektit të tregut agroushqimor të Farkës dhe për projektin e kampusit të ri të Universitetit të Tiranës. Ndër të tjera, ai tregoi se, kompanitë e transportit publik do të subvencionohen për shkak të vështirësive që ka shkaktuar pandemia, por tha se nuk do të tolerohet asnjë shkelje e operatorëve, duke paralajmëruara se do të ketë pezullime të tjera të licencës.
Discussion about this post