Kryetari i Bashkisë së Tiranës duket se ka zgjedhur të jetë ndërmjetësi i marrëdhënieve mes kryeministrit Rama dhe kryeministrit Kurti. Pas një distancomi prej kohësh me kryeministrin Kurti, Veliaj ka kryer një vizitë zyrtare në Kosovë, për t’u takuar me të. Kjo vizitë është e para që vjen pas anulimit që Albin Kurti i bëri takimit me Veliajn në shkurt të vitit 2020.
Duke vlerësuar rolin e diasporës së Kosovës për kontributin në zhvillimin ekonomik, Veliaj përmendi dhe dy ngjarjet kulturore që do të ndodhin vitin e ardhshëm, biennalia ‘’Manifesta’’ në Prishtinë dhe në aktivitetet në Tiranë në kuadër të “Kryeqyteti Europian i Rinisë 2022”.
Kryeministri i Republikës së Kosovës, Albin Kurti së bashku me ministrin e Shëndetësisë, Arben Vitia, kanë pritur në takim miqësor Kryetarin e Bashkisë së Tiranës, z. Erion Veliaj dhe nënkryetaren e Bashkisë, znj. Anuela Ristani.
Ata gjithashtu diskutuan për pandeminë dhe ecurinë e procesit të vaksinimit në të dy shtetet. Kryebashkiaku Veliaj u interesua për efektin e pandemisë në ekonomi, duke e vlerësuar rolin dhe vullnetin e diasporës së Kosovës për t’i kontribuar zhvillimit ekonomik.
