Të gjithë këto vite në krye te Tiranës, Erion Veliaj është kujdesur vetëm e vetëm të prishë shtëpitë e qytetarëve dhe të ndërtojë kullat mu në zemër të kryeqytetit. Në 8 vjet infrastruktura e Tiranës ka qenë e paprekur dhe drejt degradimit. Tashmë që po afrojnë zgjedhjet vendore dhe Lali Erit i duhen votat po nxiton që të paktën të rregullojë fasadat për të mbuluar shkatërrimet që i ka bërë kryeqytetit. Por, duke qenë në nxitime sipër këto projekte po mbyllen me shumë shpenzime dhe në shkelje të ligjit.
Këtë herë Veliaj ka mbyllur dy tenderë korruptiv. I pari ka si qëllim forcimin e argjinaturës së lumit Zhullima, pasi objekti i tenderit është “Mbrojtja Nga Gërryerjet e Lumit Zhullima, Baldushk”. Për këtë tender do të shpenzohen 110 milionë lekë dhe do të shkojnë në xhepin e biznesmenit Hajredin Ukperaj me kompaninë “D E N I S – 05 shpk”.
Në fakt në këtë garë kanë dorëzuar oferta 10 kompani, madje 3 prej tyre oferta deri në 20 milionë lekë më lirë se fituesi, por janë skualifikuar me justifikimin se nuk kanë paraqitur certifikatat për një drejtues teknik. Kështu, në garë ka mbetur vetëm kompania “Denisi 05 shpk”, i cili është shpallur fitues pa konkurrencë fare. Për këto shkelje të ligjit të prokurimit Open Data Albania e klasifikon këtë prokurim si me risk të lartë dhe korruptiv, duke i dhënë flamurin e kuq.
Hajredin Ukperaj shkatërron lumenj
Ndërkohë paradoksi tjetër në këtë kontratë është se Veliaj ka lënë në dorë mbrojtjen nga gërryerja të Lumit Zhullima një biznesmeni si Ukperaj, i cili në vitin 2018 është përfshirë në një skandal për shkatërrimin e lumit Vjosa në Vlorë. Një hetim i viti 2018 nga sektori ekonomik në policinë e Vlorës është mbyllur më pas me akuza konkrete për 9 persona të pandehur, biznesmenë ndërtimi dhe zyrtarë të administratës publike në qarkun e Vlorës. Me tyre ishte edhe biznesmeni Hajredin Ukperaj me kompaninë “D E N I S – 05 shpk”. hetimore e nisur nga policia e Vlorës bën fjalë për ndërtimin e 90 km rrugë në zonën që njihet si rruga e “Lumit të Vlorës” me një vlerë prej gati 200 milionë euro për tre loje ndërtimi.
Nga një njoftim në media në janar të 2018 policia e Vlorës njoftonte se disa kompani private kryenin aktivitet, duke shfrytëzuar në mënyrë të paligjshme shtratin e lumit Shushicë përgjatë aksit rrugor Peshkopi-Gjorm, si dhe pasqyronte ligjshmërinë e dyshim të lejeve për shfrytëzimin e inerte vetë shtratit të këtij lumi nga shoqëri të ndërtuese.
Ky informacioni policisë është përforcuar edhe nga denoncimi i disa banorë vetë fshatit Drashovicë në Vlorë, lidhur me shfrytëzimin e paligjshëm të shtratit të lumit Shushicë. Asaj kohe hetimet e policisë dhe prokurorisë së Vlorës kanë zbuluar se tre kompanitë “Denis-05” e Hajredin Ukperaj, “Arifaj” e Rezarta Bokçiu dhe “Eurokos Dega Shqipëri” e Ismet Arifaj kanë kryer punime në rrugën e “Lumit të Vlorës” para miratimit të lejes së ndërtimit nga Këshilli i Rregullimit të Territorit dhe njëkohësisht pa patur një leje mjedisore të vlefshme.
Tenderi 1 mld lekë për fasada
Po në të njëjtën ditë me datë 2 nëntor Veliaj ka firmosur kontratën që do të rregullojë fasadat e ndërtesave në kryeqytet. Bëhet fjalë për prokurimin me objekt “Rikonstruksion i rrugës Xhorxh ë Bush dhe rehabilitimi i fasadave”. E pra për të lyer këto fasada Lali Eri do të shpenzojë 105. 095 535,00 lekë të reja ose 1 mld lekë të vjetra. Por, ndërsa paratë fluturojnë për të bërë reklamë për zgjedhjet, Veliaj as nuk kujdeset që të paktën këto para t’i shpenzojë në komfort ligjit.
Kemi të bëjë sërish me prokurim pa konkurrencë, pasi nga 12 kompani që kanë paraqitur ofertë, Bashkia Tiranë ka lënë në garë vetë ALMO KONSTRUKSION” shpk, në pronësi të Alfons Bitrit dhe Edmond Bitrit. Edhe në këtë rast, të gjitha kompanitë e tjera kanë paraqitur oferta më të lira, por Veliaj si në çdo rast preferon t’u shërbejë klientëve të tij.
Këto tregojnë se, tani u zgjua Lali Eri dhe po kujtohet për Tiranën, por duhet t’i rikujtojmë këtu se Tirana nuk është vetëm qendra dhe zona e Bllokut, ke shumë lagje vetëm 20 minuta larg që duken akoma si në mesjetë.
“Misteri” i Lali Erit/ Sa herë i rehabiliton punët që inaguron? (FOTO)
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post