Një protestë me tensione të shtuara ishte kjo e sotmja para bashkisë së Tiranës, ku protestuesit u mblodhën për herë të 11 pas arrestimit të drejtorëve të Veliajt për dosjen 5D”.
Kërkesa ishte e njëjtë: Dorëheqja dhe arrestimi i kryebashkiakut të Tiranës Erion Veliaj, i cili cilësohet “pronari faktik i inceneratorit të Tiranës” dhe “koka e bandës së drejtorëve hajdutë”.
Protestuesit shfaqën një manekin të veshur me rrobat e një të burgosuri e fytyrën e kryebashkiakut të Tiranës Erion Veliajt dhe të vendosur në një kosh plehrash.
Protesta e kësaj të hëne pa tensione të shtuara krahasuar me tubimet paraardhëse. Protestuesit qëlluan me vezë drejt efektivëve, të cilët kishin rrethuar Baskinë e Tiranës, si dhe lëvizën nga vendi blloqet e betonit të vendosura aty. Gjithashtu, i vunë flakën flaka disa gomave të vjetra.
Policia nga ana tjetër shoi zjarrin me fikëse të posaçme zjarri, me lëndën që preku edhe protestuesit. Po ashtu, përdori lëndë të gaztë kundër protestuesve, teksa këta të fundit tentuan të cajnë barrierën.
Nga mikrofoni i protestës, Adriana Kalaja tha se pasojë e hedhjes së gazit nga policia drejt protestuesve, disa prej tyre janë dëmtuar rëndë, përfshirë shefin e organizimit në PD, Klevis Balliu.
Po ashtu, ajo tha se deputetë demokratë dhe funksionarë të tjerë të partisë janë dëmtuar si pasojë e gazit të hedhur nga policia, përfshirë, Flamur Nokën, Tomorri Alizotin, Belind Këlliçin, Luçiano Boçin e të tjerë.
Nga mikrofoni i protestës u paralajmërua se protestat do të vijojnë, do diverfisikohen dhe bëhen më të ashpra.
Tubimi zgjati rreth 1 orë e 30 minuta, ndërsa protesta e radhës u caktua të mërkurën, në orën 11:00.
Reagimi i Sali Berishës
Discussion about this post