Vojsava Zenelaj njihet që nga viti 2018 si rrobaqepësja e kostumeve për punonjësit e Policisë Bashkiake. Asaj kohe ajo u denoncua nga Partia Demokratike se kishte marrë tenderin pa garë nga kryebashkiaku Erion Veliaj, edhe pse kishte në dispozicion vetëm një punonjës.
Tani pas 5 vitesh që bashkia po mendon të bëjë uniforma të reja, rikthehet sërish Vojsava. Më datë 13 shtator 2023 është publikuar tenderi më objekt “Blerje uniforma dhe veshje të tjera speciale”. Sipas të dhënave për uniformat e reja, Lali Eri do të shpenzojë 158 milionë lekë, ose më saktë aq i ka kërkuar Vojsava Zeneli që me sa duket është kthyer në “stilisten” personale të Lali Erit.
Për këtë tender kishte garuar edhe “Bajro Bros” shpk, por stafi i Veliajt e ka skualifikuar me argumentin se kishte paraqitur disa orë me vonesë dokumentacionet e nevojshme. Sipas bashkisë, kjo vonesë është shkelje ligji, por nga ana tjetër, vetë ata kanë shpallur në mënyrë të paligjshme fituesin. Në këtë prokurim s’la pasur garë sepse kështu ka qenë urdhri i Lali Erit.
Në këtë situatë në lind dyshimi se ‘Bajro Bros” shpk ka marrë pjesë fiktivisht në këtë proces, sepse nuk ka paraqitur një ofertë më vlerë. Kështu, fondi 158 milionë lekë është në risk të lartë korrupsioni nga zyrtarët e bashkisë. Vlerësuesi Open Data jep alarmin se në këtë tender çdo gjë ka qenë e planifikuar më parë.
Ndërkohë më poshtë shohim se Vojsava duhet të qepë 590 uniforma (xhupa, pantallona, këmisha, etj) brenda 60 ditësh.
Nuk e dimë nëse do të arrihet ky objektiv, pasi “kompania” e saj vazhdon të ketë të deklaruar vetëm 1 punonjës. Madje këtë herë Lali Eri ia kishte bërë më të lehtë fitoren, pasi në kriteret për tenderin kishte kërkuar që operatori ekonomik mjafton të ketë një punonjës, inxhinier tekstile.
Por, në asnjë moment nuk shpjegohet se si mund të realizohet me 1 punonjës në 60 ditë qepja e uniformave. Kujtojmë se tenderi i vitit 2018 u denoncua nga opozita pikërisht për këtë arsye dhe për mos pagim të taksave.
Afera e vitit 2018
Në korrik të vitit 2018, zëdhënësja e PD-së publikoi dokumentin e një tenderi korruptiv, përgjegjës për të cilin bëri kryebashkiakun e Tiranës, Erion Veliaj. Referuar dokumentit, zëdhënsja e PD u shpreh se Bashkia e Tiranës ka shpallur fituese të një tenderi 100 milionësh për uniformat e policëve bashkiakë një kompani nën sekuestro për mospagim taksash dhe me vetëm 1 punëtor.
“Është fakt se Erion Veliaj i ka dhënë 100 milionë lekë një kompanie që nuk paguan tatimet dhe për ketë arsye është nën sekuestro. Dokumenti nga Zyra e Tatimeve e provon këtë. Aty thuhet se kompania fituese “Vojsava Zenelaj” është me statusin “nën mbledhje me forcë”, çka tregon se kompania nuk ka paguar tatimet dhe duhet të ishte skualifikuar menjëherë!
Duke i dhënë 100 milionë lekë një kompanie që është nën sekuestro për mospagim tatimesh, Bashkia e Erion Veliajt ka shkelur disa ligje dhe vendime qeverie. Siç tregohet në dokument, kjo kompani duhet të ishte skualifikuar, sepse janë dy ligje dhe dy vendime që ndalojnë shpalljen fitues të kompanive që nuk paguajnë taksa“, u shpreh Zhupa.
Thënë ndryshe, i vetmi person që ka kompania duhet të qepë në ditë 116 kostume, pantallona, pulovra, këmisha dhe këpucë!
Vjedhje e hapur si kjo e 150 milionë lekëve, vetëm në Bashkinë e Erion Veliajt mund të gjendet! Ndërkohë, Vosjava ka rritur këtë vit edhe çmimin e qepjes.
Lexo edhe: 6 mln euro shtesë për inceneratorin, edhe këshilltarët e Bashës kundër Veliajt
Discussion about this post