Mehdi Lala i Shpresa.al i është futur më kokë fondeve të bashkive. Rruga e tij për të përfituar sa më shumë para bëhet më e lehtë kur bashkëpunon me Erion Veliajn, pasi edhe ky i fundit përfiton pjesën e tij. Aferat e mëdha bëhen me prokurimet publike. Rasti më i fundit është tenderi me objekt “Rehabilitimi i rrugëve të Bllokut që kufizohet nga rrugët “Fabrika e Qelqit”, “Konferenca e Pezës”, “Besim Alla”, dhe “Jorgo Panajot”. Tendedr i haur nga bashkia Tiranë, e cila do të shpenzojë 1.6 m miliardë lekë për të riparuar këto rrugica. Në fakt të gjitha këto rrugica janë shtruar fund të vitit 2018. Dhe asaj kohe në kontarët përfshiheshin edhe shpenzimet për mirëmbajtjen. Ndërsa tani 4 vjet më pas, Veliaj hap tjetër tender, për ndërhyrje që nuk janë të nevojshme.
Rruga: Fabrika e Qelqit
Pra milionat do të hidhen në punë që nuk do të kryhet. Ndërsa më tutje evidentojmë se tenderi është dhënë pa garë dhe Mehdi Lala ka firmosur kontratën në kundërshti me ligjin për prokurimet. Sipas të dhënave për këtë tender kanë shfaqur interes 15 kompani. Të gjitha janë përjashtuar dhe në garë ka mbetur firma e paraqitur nga Lala, i cili ka garuar si bashkim operatorësh me dy firmat e tij ALB-Shpresa dhe “Mela”.
Veliaj nuk ka vepruar sipas rregullave por ka firmosur kontatën me këto dy kompani pa zhvilluar një garë të mirëfilltë. Për këtë, Open Data Albania i ka dhënë flamurin e kuq dhe tregon se ky tender përbën rrezik për fondet e bashkisë.
Skemat e Mehdi Lalës
Ndërkaq, vlen të përmendim se përmes këtyre dy firmave Lala ka filluar të përfitojë shumë tenderë në rikonstruktime dhe ndërtime. Por, vihet re se “Mela shpk”, nuk është e pajisur me licencë për këto shërbime dhe pse i ka si objekt. Sepse nga kërkimet te QKB, licenca e vetme që disponon kjo kompani është I.2.A për shërbime ekspertize. Më saktë ajo është një kompani fiktive, që Mehdi Lala e përdor për të ndarë fitimet që merr nga tenderët. Në mënyrë që xhiroja vjetore e firmave të tijtë mos regjistroj nivel të lartë, dhe t’iu shmanget taksave. Prandaj edhe nëpër gara ai merr pjesë duke bërë bashkim operatorësh me firmat e tij.
Të dyja këto firma të Mehdi Lalës regjistrojnë mbi 500 milionë lekë secila të marra vetëm në 2 vitet e fundit nga Thesari i Shtetit. ALB-Shpresa dhe “Mela”.kanë përfituar tendera me skualifikim konkurrentësh në disa raste duke u favorizuar nga institucionet publike. Dhe rasti i fundit tregon qartë se kjo kompani vazhdon të marri trajtim të diferencuar nga institucionet publike.
Lexo edhe: Berberi i ARRSH “qeth” fondet publike për Mehdi Lalën/ Tender për rrugët kompanive pa licencë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post