Kryebashkiaku i Tiranës ka vendosur të shpenzojë 58 milionë lekë për kimikate që do të shkojnë për ujësjellësin. Me datë 18 maj UKT ka hapur tenderin me numër reference REF-29883-05-18-2022 dhe objekt “Blerje kimikate”. Fillimisht për këtë tender është vënë në dispozicion fondi limit 49,062,500 lekë. Ndërkohë tenderi është mbyllur ditën e sotme dhe si duket fituesi ka qenë i shpallur paraprakisht, për aq kohë sa për këtë projekt është nënshkruar kontrata me negocim, pa njoftim. Shtojmë këtu faktin që fituese është shpallur kompania W.CENTER, mjaftë e njohur për tenderët që rrëmben nga bashkia Tiranë.
Gjithsesi nga ky tender, evidentohen si fakte shqetësues fondi kaq i lartë për blerje kimikatesh vetëm për një institucion dhe mënyra mbi të cilën është zhvilluara kontrata. Nuk përcaktohet oferta që është paraqitur nga fituesi W.CENTER, por deri në mbyllje të kontratës UKT ka shtuar edhe lote të tjera në këtë tender, duke bërë që vlera e kontratës të shkojë në vlerën 58,770,000.00 lekë.
Ndër kohë më tutje evidentohet se kjo kompani ka fituar çdo tender në të cilin ka marrë pjesë në Bashkinë Tiranë. Në bazë të të dhënave të portalit të specializuar “openprocurement”, rezulton se, prej vitit 2016 e në vijim, kompania “W.Center”, në tenderat e zhvilluar nga pushteti lokal, është shpallur fituese vetëm në procedurat e organizuara nga Bashkia e Tiranës, me një total të fondit limit në mbi 5 milionë euro. Bledar Shemaj, i cili nuk ka dalë aq hapur sa oligarkët e tjerë pranë Veliaj deri më tani ka marrë 20 tendera me vlerë 4.6 miliardë, pa llogaritur ato që ka në bashkëpunim me kompani të tjera. Konkretisht të gjitha këto tendra i ka marrë nga bashkia Tiranë.
Sipas të dhënave, tenderi i parë që ka fituar “W.Center” në Tiranë është një procedurë për blerje sobash. Ndërsa tenderat më të shumtë janë për blerje kimikatesh dhe klori për UKT. Pikërisht një vit më parë, Veliaj i ka dhënë kësaj kompanie tenderin me vlerë 1.3 milionë euro pa garë. Në mbyllje të tenderit rezultoi se kishin marrë pjesë vetëm dy operatorë ekonomikë. E, konkretisht, “W. Center” dhe “Albania Distribution Chem”.
Pas hapjes së ofertave, komisioni i tenderit vendosi skualifikimin e kompanisë “Albania Distribution Chem”, për shkak se ajo nuk kishte dorëzuar ofertë ekonomike. Për këtë arsye, fituese e tenderit 1.3 milionë euro u shpall kompania tjetër pjesëmarrëse, “W. Center”, e cila kishte dhënë një ofertë sa 90% e fondit limit.
Këto të dhëna vërtetojnë se eshë kjo është një nga ato kompanitë kur pavarësisht administratorit, prapa tyre qëndron Veliaj me urdhrat e tij. Janë kompani fantazmë që Veliaj i fut në lojë për t’iu dhënë këto tendera me shërbime qesharake por vlera marramendëse, pasi në fund një përqindje të fondit e fut automatikisht në xhepin e tij.
Discussion about this post