Bashkia Tiranë është tashmë e njohur për numrin e lartë të tenderave në shkelje dhe për faktin se nënshkruan kontratë vetëm me disa kompani të zgjedhura oligarkësh. Këtë herë Veliaj ka vendosur të rikthejë në lojë një kompani që dikur mbytej me tendera nga ish-drejtori i RTSH Thoma Gëllçi. Veliaj ka publikuar sot dokumentet e një tender me numër reference REF-23576-03-30-2022 me vlerë 6,647,616.00 lekë të reja, vetëm për mirëmbajtjen e softwear-ve. Sipas dokumenteve të publikuara në faqen e Agjencisë së Prokurimeve, fitues i këtij tenderi është shpallur kompania , e cila ka paraqitur ofertën sa fondi limit. Në këtë kushte, duke qenë se kontrata është me procedurë të hapur të thjeshtuar, deri në mbylljen e tenderit bashkia ka përllogaritur dhe disa shpenzime shtesë, duke bërë që vlera përfundimtare që do të shpenzohet për këtë shërbim është 7,737,824.40 Lekë.
Pra, kompania “S & T ALBANIA” me administrator Kleanthi Prifti do të marrë 70 milionë lekë vetëm për të mirëmbajtur softweret në zyrën e Veliajt për një vit. Sistemi i Bashkisë që duhet t’iu vijë në shërbim qytetarëve shpesh nuk punon, tashmë nuk e dimë se ku shkojnë këto miliona lekë që Veliaj nxjerr çdo herë nga një tender, për mirëmbajtjen e pajisjeve të këtij sistemi. Më tutje ajo që bie në sy nga shqyrtimi i dokumenteve të “S & T ALBANIA” është fakti se kjo kompani ka në total 9 kontrata të nënshkruara dhe pjesa më e madhe nga Radio Televizioni Shqiptar, kur në krye ishte Thoma Gëllçi. Tashmë rrugën ja ka hapur Veliaj.
Aferat e “S & T ALBANIA” me Gëllçin
Kjo kompani ka marrë disa tendera nga ish-drejtori i RTSH, por do të theksojmë këtu një nga kontratat që bëri bujë në media dhe hodhi dyshime për aferat korruptive të Gëllçit, që tashmë e çuan atë prapa hekurave. Bëhet fjalë për një tender të zhvilluar gjatë vitit 2020, kur vendi ishte në krizë të thellë dhe nën kthetrat e pandemisë. Ndonëse gjatë asaj kohe RTSH mori shumë fonde me pretekstin se po iu jepte programet mësimore nxënësve, Gëllçi nuk i kënaq dhe vazhdonte nga ana tjetër me tendera për hesap të vetë.
Bëhet fjalë për tenderin me numër reference REF-56384-17-04-202, përmes të cilit “S & T ALBANIA” ka “gllabëruar” 400 milionë lekë nga xhepat e taksapaguesve shqiptarë. Gëllçi ka dhënë këtë shumë parash për të vendosur programe në Arkivin e RTSH, që në të vërtet nuk funksionon aspak. Sikur cekëm më lartë, ky tender ishte pjesë e hetime për të zbuluar aferat e Gëllçit, pasi për të nuk është zhvilluar një garë e mirëfilltë.
Në dokumente tregohet se në garë kanë marrë pjesë vetëm dy kompani, nga të cilat kompania humbëse nuk ka paraqitur fare ofertë ekonomike. Në këtë mënyrë rruga ka qenë e hapur për firmën “S&T Albania” shpk që të fitojë garën. Rezulton se kjo kompani ka si pronare kompaninë e huaj S&T AG.
Por, pavarësisht këtyre skandaleve Veliaj nuk ka ngurruar ta gostisë këtë kompani me një tender kaq të majmë. Madje duke si një krah për ta rikthyer atë në rrugën e aferave, duke qenë se pati një shkëputje pas arrestimit të Thoma Gëllçit.
Discussion about this post