Kryetari i Bashkisë Tiranë shpenzon miliona lekë për projekte të vogla dhe për më tepër i bënë ato në shkelje të ligjit. Këtë herë skandali i Veliaj dhe afera për vjedhjen e qytetarëve është bërë përmes një tenderi, i cili do merrej me asfaltimin e një rruge fshati. Bëhet fjalë për një tender me numër reference REF-08756-10-19-2021 dhe me objekt ““Sistemim asfaltim rruga e fshatit Qinam, Nj.A. Zall Herr’’. Fondi limit i tij është 80,820,393 lekë të reja pa TVSH, një shumë kjo tepër e lartë për asfaltimin e një rruge fshati, projekt i cili mund të mbulohet edhe më me pak para.
Në lidhje me këtë tender, kompania “Company Riviera 2008” SHPK ka dorëzuar një ankesë pranë Komisionit të Prokurimeve Publike, përmes të cilës pretendon se është skualfikuar pa të drejtë nga gara, pasi bashkia ka shkelur ligjin duke i dhënë tenderin kompanisë të paracaktuar si përfituese.
Duke parë dokumentacionin e këtij tenderi vihet re se në garë kanë marrë pjesë 33 operatorë ekonomikë. Nga këta 33 operatorë, 12 prej tyre kanë ofruar vlera më të vogla sesa fituesi, çka të bën të dyshosh se tenderi i organizuar nga Bashkia Tiranë ka elemente të dyshimtë. Edhe ankimuesi tregon se Bashkia Tiranë ka vendosur kritere të ndryshme pranimi për kompani të ndryshme, duke shkelur hapur ligjin për prokurimet. Gjithashtu, në ankesë theksohet se Bashkia ka kërkuar në tender tendera dhe kritere shtesë, që nuk janë të nevojshme sipas ligjit për tenderët me procedurë të hapur “Kërkoj të rishikohet vendimi i skualifikimit si më poshtë: Operatori ekonomik nuk ka plotësuar kërkesat sipas shtojcës 8, formularit përmbledhës të vetëdeklarimit pjesa II, deklarata A. deklarata për përmbushjen e kritereve të përgjithshme të kualifikimit janë të paplotësuara. Në të vërtetë të gjitha dokumentet vërtetojnë vetëdeklarimin”, shprehet ankimuesi.
Fiton kompania që helmoi krutanët
Ndër të tjera kompania ankimuese shprehet se Bashkia i ka dhënë tenderin “BAMI SHPK” edhe pse kjo e fundit kishte ofertën më të shtrenjtë dhe gjithashtu ka dorëzuar me vonesë dokumentacionin. Ankimuesi hedh dyshimet se, Veliaj i ka dhënë tenderin “BAMI SHPK”, pasi është kompania mike që del fituese në çdo tender me shifra të larta.
Sakaq, vlen të përmendim se kompania “BAMI SHPK” jo pak herë ka fituar tenderë pa garë, duke u favorizuar kështu në projekte miliona euroshe. Kjo kompani në bashkëpunim me & CURRI SHPK u shpallën fituese edhe pse kanë ofruar për ujësjellësin e Krujës, një vlerë shumë të afërt me fondin limit. Bami SHPK firoi tenderin me objekt “Shtim i sasisë së furnizimit me ujë te Qytetit të Krujës” me ofertë mbi 313 milionë lekë, nga 315 milionë lekë që ishte fondi limit.
Gjithashtu, në 2019 kjo kompani në bashkëpunim “Global Technical Mechanichs” sh.p.k. janë shpallur fituese të tenderit për aeroporti i Kukësit. Sipas të dhënave të publikuar asaj kohe nga vetë Ministria e Infrastrukturës, shoqëria e krijuar nga bashkimi i këtyre dy kompanive ka qenë pjesëmarrësja e vetme në garë. “Bami” shpk rezulton e regjistruar në vitin 1999 dhe ka si aksionarë të vetëm Besnik Bamin dhe Investimi është parashikuar që të jetë rreth 8 milionë euro. Në këto kushte si mundet bashkia të jap tendera me këto vlera stratosferike, kur rrugët vazhdojnë të jenë të amortizuara, kurrë nuk mbarojnë në kohë dhe në çdo vit që afron dimrit janë të pakalueshme.
E.H/ gijotina.com/
Discussion about this post