Projekti i Veliajt, Tirana Parking, është kthyer në një vorbull që thith para. Abuzimi merr përmasa edhe më të mëdha kur pjesë e skemave bëhet Shkëlqim Fusaha, një nga biznesmenët e preferuar të “Lali Erit.Nuk është më një çudi fakti që edhe tenderin e fundit Shkëlqimi i Lalit e ka siguruar pa u lodhur fare edhe në shkelje të ligjit. Bëhet fjalë për tenderin me numër reference REF-44451-10-05-2022 dhe objekt “Shpenzime për Mirëmbajtjen e Objekteve Ndërtimore”, me institucion prokurues “Tirana Parking” në varësi të plotë nga Bashkia Tiranë. Në dokumentet e publikuara evidentohet se kontrata për dhënien e këtij shërbimi është mbyllur pa garë, pasi vetëm firma “Fusha shpk” ka paraqitur ofertë. Sipas të dhënave, oferta e saj ishte 2. 376. 158,00 lekë, pra sa 99% e fondit limit, i cili regjistrohet në vlerën 2. 462. 284,00 lekë (të reja) ose 24 milionë lekë.
Mungesa e konkurrencës përbën shkelje serioze të ligjit të prokurimeve, por Veliaj çdo kontratë e firmos sipas interesave të tij. Në faqen e Open Data Albania janë regjistruar të gjithë tenderët që janë mbyllur në shkelje flagrante të ligjit, në mes tyre edhe ky i fundit, i cili tashmë mban “Flamur të Kuq”. Theksojmë këtu se përgjegjëse është edhe Agjencia e Prokurimeve Publike, e cila i regjistron këto tenderë, edhe pse janë në shkelje të ligjit dhe nuk bën asnjë raportim tek instancat përkatëse. Gjithashtu edhe Komisioni i Prokurimeve Publike duket se fle gjumë pasi kontrollon tenderët vetëm në rast se ka ankesa.
80 tendera pa garë në 10 muaj
Tenderi i fundit për Fushën është vetëm lekë për “kafe”, pasi kompania e tij është përfituese e fondeve të mëdha. Ndërkohë Bashkia Tiranë vetëm gjatë këtij viti regjistron 80 tenderë pa garë. Të dhënat e marra nga Open Data Albania tregojnë se shumë prokurimeve kanë shpërdoruar miliarda lekë për mallra e shërbime luksi. Bashkia harxhon për blerje mobiliesh, suveniresh, karrige rrotulluese apo varëse rrobash speciale për zyrën e Lali Erit. Pastaj vlen të theksohet se një pjesë e mirë e tenderë kanë qenë për të furnizuar me naftë makinat e punonjësve të bashkisë, madje Lali Eri nuk ka lënë që t’iu prekë këmba në tokë as institucioneve të tjera që varen nga ai.
Këtë vit Bashkia Tiranë ka shpenzuar shumë para edhe për të dezinfektuar kryeqytetin. Pasi e ndriti punën Eco Tirana me pastrimin, Veliaj i fut një dezinfektim me solucione të rrezikshme helmuese.
Veliaj ka shpenzuar edhe për ca zbukurime në kryeqytet e shkolla, por deri më tani nuk kemi parë të përfundojë rindërtimi i godinave të dëmtuara nga tërmeti.Këto janë fakte të majftueshme për që SPAK-u të hetojë shpërdorimet e buxhetit të shtetit nga kryebashkiaku Erion Veliaj.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post