Kryetari i Bashkisë Tiranë, Erion Veliaj, është thirrur nga Komisoni i Ligjeve për një seancë dëgjimore në lidhje me çështjen e “5 Majit”. Por, ai ka refuzuar të përballet me ta dhe nuk është paraqitur në seancë. Seanca dëgjimore është thirrur nga 1/3 e deputetëve të Partisë Demokratike që prej datës 19 Janar, kur edhe nisën shembjet e para. Në seancë dëgjimore janë thirrur: Kryetari i Bashkisë së Tiranës, Erion Velaj, Drejtori i Përgjithshëm i Policisë së Shtetit, Gledis Nano Avokati i Popullit, Erinda Ballanca Përfaqësues të banorëve të prekur nga projekti.
Përveç Veliajt, në mbledhje janë paraqitur personat e tjerë të përfshirë. Vetë Veliaj kishte dërguar një letër në Komision ku shprehej se ishte i gatshëm që të komunikonte përmes dokumenteve, por pa dhënë shkak se pse nuk ishte i pranishëm fizikisht në këtë seancë dëgjimore.
Një ditë më parë, PD bëri kallëzim penal në SPAK kundër Erion Veliajt, pasi ndërtimi tek 5 Maji i është dhënë një trafikanti droge në kundërshtim me ligjin. Ndërsa vetë banorët kanë ngirtur një tjetër padi, pasi pretendojnë se banesat iu janë prishur pa të drejtë dhe nuk po kompensohen në vlerën e tregut, madje disa nuk do të kompensohen fare.
Discussion about this post