Bashkia e Tiranës ka blerë 1500 kosha, të cilët kanë kushtuar 91 milionë lekë. Sipas asaj çka deklarohet në “Open Data’, ka qenë vetëm një kompani pa konkurrent, pikërisht “Officina Fiandri srl”, e cila u zgjodh dhe fituese. Ky është tenderi i radhës pa garë, madje i shënuar me flamur të kuq prej “Open Data”, ku shënohet: “Shpesh këto procedura më shumë se mungesë konkurrence në treg, shfaqin opsione të formulimit të kritereve dhe afateve për dorëzim dokument në favor të një kompanie të paramenduar klienteliste. Këto tendera meritojnë të konsiderohen të ekspozuara dhe me risk” .
Data e shpalljes së fituesit është bërë ditën e sotme, ndërsa data e njoftimit të tenderit është 27.08.2021.
Fondi limit për blerjen e tyre ishte pikërisht 91 milionë e 500 mijë lekë, teksa oferta fituese është 91 milionë e 260 mijë e 592 lekë.
Mënyra e përzgjedhjes së tenderit është e dyshimtë, për arsyen se ka qenë vetëm një firmë e cila ka aplikuar, madje duke u zgjedhur fituese. Pavarësisht se ligji shqiptar e lejon këtë gjë, ngrihen dyshime, ashtu siç e përmend dhe faqja e “Open Data”, e cila ka vendosur flamurin e kuq. Institucioni prokurues është Eco Tirana, ku sipas informacioneve, është në pronësi të Erion Veliajt. Kjo rrit dyshimet, se kompania fituese është zgjedhur paraprakisht nga Kryetari i Bashkisë, ku tashmë edhe është konfirmuar.
