Një tjetër shpifje ka mbërritur së fundmi në lidhje me gjoja bllokimin e procesit zgjedhor deri në shqyrtimin e plotë të padive nga gjykata. Tërbimi i Veliajt nuk ka fre. Por, bashkë me të, edhe pjesa oralo-mediatike prodhon një tjetër interpretim, këtë radhë më shumë mediatik dhe aspak ligjor për bllokim të procesit.
Veliaj kishte ditë që e parashikonte që nuk ka zgjedhje në 2 mars, në një kohë që pas dhe poshtë kësaj linte të nënkuptonte pikërisht një aferë të tillë me gjyqësorin, ku mesa duket, mbështetur edhe nga difuzioni i asaj pjese të medias që kërkon të instalohet në FSHF, e përcjell në publik si betejë të dytë të fituar.
Vetë kryebashkiaku ka zënë qoshen e tij dhe tashmë pret që të flasë, teksa në anën tjetër, pikërisht sot në ditën e dorëzimit të raportit nga komisioni i UEFA-s, tek Kryeministri, Gjykata e vendit shprehet. Situata tashmë është kapur nga sistemi i drejtësisë, kryesisht dhe vetëm nga disa prej atyre fakir-gjyqtarëve që nuk kanë kaluar ende sitën e vettingut, dhe që tashmë i duhet të përballen me ofertën e inceneratorit të Tiranës: O Dukën, o karrierën tuaj!
Gjykata sipas Irfanit e Carlos qenka shprehur në një kohë që nuk ka ende një vendim zyrtar korrekt dhe të drejtpërdrejtë të dalë për mënyrën e argumentimit të asaj që oralo-media e Veliajt ka prodhuar para pak çastesh. Lali ka nisur të spërkasë me helmin e tij të tërbimit dhe të urrejtjes çdokënd që e kundërshton.
Tashmë, tenton dhe beson se ka fituar një tjetër betejë, edhe pse më shumë zë e peshë merr raporti, sesa ky raportim mediatik që i dalë nga zyrat e Plarentit të Rilindjes ka bërë që prishja për betejën e dytë të ketë nisur. Duka e Shulku s’mund të veprojnë deri kur të flasë Gjykata, kështu thotë Gjykata e Fanes, apo toga e Carlos, në lidhje me vendimin e fundit.
FSHF realisht tashmë është në një mënyrë apo tjetër në darën e shtetit për të parë se çfarë mekanizmash kanë ngelur për të goditur deri në fund vullnetin. E megjithatë, risku tashmë është në prag. Qeveria e futbollit pret të lexojë raportin, më pas, po në mediat e Fanes e të Carlitos, me titra nuk do të jetë aspak çudi nëse penaliteti i rëndë do të kaplojë. E megjithatë, zbardhja e vendimit të gjyqësorit siç shprehet Fanja do të merrte më shumë zë e peshë nëse do të ishte publik, realisht për atë vendim të arsyetuar që mund të ketë dhënë gjykata.
Discussion about this post