Nënkryetari LSI-së, Petrit Vasili ka reaguar ashpër ndaj idesë për ta bërë autobusin, që ra në Lanë instalacion.
Vasilit jo vetëm që nuk i ka pëlqyer si ide, por e ka konsideruar atë si një pisllëk.
“Kjo karakatinë, që për një qime sa nuk prodhon një tragjedi njerëzore të rëndë, po dergjet fëlliqshim aty. Boll më, largojeni menjëherë këtë pisllëk në mes të Tiranës! Largojeni këtë provë tjetër të një qyteti të keq qeverisur e të vjedhur, të zhytur në kaos dhe anarki, të betonuar e me trafik asfiksues, armiqësor për jetën dhe shëndetin!”,është shprehur ai.
Prokuroria ka nisur hetim ndaj shoferit të autobusit që u aksidentua disa ditë më parë në mes të Tiranës duke përfunduar në lumin Lanë. Sipas njoftimit, është proceduar penalisht M. K., 62 vjeç veprën penale “Shkelja e rregullave të qarkullimit rrugor.
Ai dyshohet se duke drejtuar mjetin tip autobus, është përplasur me mjetin me drejtues J. R., dhe si pasojë e aksidentit, dy mjetet kanë rënë në lumin Lana..
Discussion about this post