Kryetari i Bashkisë Tiranë, Erion Veliaj i bën thirrje presidentit të vendit nga Rrogozhina.
Në një takim me strukturat e Partisë Socialiste atje, ai i kërkon Metës që të dekretojë sa më shpejt datën e zgjedhjeve të pjesshme.
Madje Veliaj premton se zgjedhjet do të jenë një spektakël i vërtetë për sa i përket rezultatit për të majtën. Nuk dihet ende se në cilin pozicion ka shkuar Veliaj në Rrogozhinë. Tirana ka shumë probleme, por kryetari i saj ka vendosur që të shkojë e t’i japë drejtim një bashkie tjetër.
Erjon Veliaj vijon të jetë i habitur nga presidenti Meta, duke i kujtuar vendimin e Gjykatës Kushtetuese dhe vendimin e Venecias.
Pavarësisht se banorët ndihen të harruar, madje ngrihen shpesh edhe në protesta për shkak të problematikave me të cilat përballen, Veliaj pohon se PS-ja i ka mbështetur ata.
Veliaj u ka treguar socialistëve atje se krenohet me rezultatin e zgjedhjeve të prillit e ua premton atyre dhe për ato të pjesshme. E vetmja pengesë për të mbetet Ilir Meta.
Discussion about this post