Një koncert në sheshin “Skënderbej” i organizuar nga Bashkia e Tiranës ka krijuar probleme të shumta në kryeqytet.
Nuk bëhet fjalë për probleme me qarkullimin e automjeteve, sepse kjo tashmë është kthyer në një rutinë. Por pothuajse gjysma e qytetit ka mbetur pa energji elektrike.
Nga raportimet mësohet se energjia i është ndërprerë lagjeve të tëra të Tiranës, për të furnizuar kështu zonën ku po mbahet koncerti në atë që njihet si “nata e bardhë”, me rastin e ditës së Çlirimit.
Duket se më i rëndësishëm se furnizimi me energji i qindra familjeve në Tiranë, aq më tepër në kushtet e rënies së temperaturave, është koncerti show i Veliajt, që prej ditës së djeshme, organizon parada e koncerte, në një përpjekje për të treguar se drejton një kryeqytet europian.
Discussion about this post