Një formular skandaloz po u shpërndahet fëmijëve në kopshtet e kryeqytetit. Në formular të gjithë fëmijët duhet të plotësojnë të dhënat e tyre, por skandali qëndron në pjesën ku nëna e babai janë hequr duke u vendosur në kllapa e janë zëvendësuar nga prindi 1 dhe prindi 2. Duket se Erion Veliaj ka pranuar kërkesën e LGBTI në shkelje të çdo ligji, ku e ka aplikuar atë në disa dokumentacione zyrtare. Prindërit e këtyre fëmijëve kanë denoncuar disa herë këtë skandal të iniciuar nga LGBTI e të aplikuar më pas nga Erion Veliaj dhe drejtorët e kopshteve të Tiranës.
Në lidhje me këtë formular ka reaguar dhe pastori Akil Pano, i cili ka kundërshtuar që në fillim këtë kërkesë të komunitetit të LGBTI në Shqipëri. Për rastin në fjalë, Pano i ka bërë thirrje Ministrisë së Arsimit, Drejtorisë Arsimore, Drejtorive të Shkollave dhe Institucioneve të Edukimit Parashkollor që të tërheqin menjëherë nga përdorimi këtë formular skandaloz.
Pastori ka kundërshtuar që në fillim këtë kërkesë të komunitetit LGBTI, i cili ka kërkuar që në vendin tonë të hiqen fjalët nënë e baba e të vendosen prindi 1 dhe prindi 2.
“Ky formular është shpërndarë në kopshtet e fëmijëve, sapo ma dërguan. Në shkelje të plotë të ligjit mbi kodin e familjes emri MAMI dhe BABI vendosen në kllapa dhe zëvendësohen me Prindi 1 dhe Prindi 2. Agjenda Gay ka nisur zbatimin, qetësisht dhe në shkelje me Kodin e Familjes që është në fuqi në Shqipëri. Ky lloj imponimi është dhunë dhe është diktatura e minorancës mbi shumicën”, shkruan Pano.
Menjëherë sapo u bënë publike këto kërkesa të LGBTI, qytetarët shqiptarë kundërshtuan vendimin e tyre, por duket se Erion Veliaj e ka pranuar në fshehtësi atë.
