Erion Veliaj nuk heq dorë nga tenderët e dyshimtë në bashkinë e Tiranës. Kësaj here bëhet fjalë për tenderin “Parku i liqenit të Farkës një Pol Rekreativ për Tiranën”.
Sipas dokumentacionit të bërë publik, kanë qenë 9 kompani të cilat kanë aplikuar, ku është përzgjedhur fituese “Nika” shpk. Ashtu siç shpesh ndodh në këtë institucion edhe ky fitues është i dyshimtë.
Fondi limit ishte 25 075 025,00 lekë, ndërsa firma fituese ofroi 16 047 368,00 lekë.
Firma e cila ofroi më pak ishte “Albavia” shpk, 12.356.147, por pikërisht oferta e saj u refuzua.
Sipas Komisionit të Vlerësimit të Ofertave, oferta e kësaj kompanie u skualifikua për shkak të gabimeve aritmetike.
Një shkak ky i cili shton edhe më tepër dyshimet për një tjëetër tender të paracaktuar të Erion Veliajt. Më tej thuhet se operatori ekonomik “Albavia” shpk nuk e ka pranuar korrigjimin e propozuar.
Çuditë e këtij institucioni nuk kanë fund pasi pak kohë më parë, kompania fituese u zgjodh Leon Konstruksion me vlerën 19.776.115.00 lekë. Tashmë bëhet me dije se fituese është firma “Nika” shpk.
Këtu shtohen edhe më tej dyshimet se tenderi i Veliajt është jo i rregullt.
Pra në një farë mënyre ky institucion ka bërë përjashtimin e kompanive të tjera, hap pas hapi, vetëm e vetëm për të favorizuar miqtë e kryetarit.
Discussion about this post