Policia rrugore duket se tashmë do të kontrollohet edhe nga bashkia e Tiranës.
Një projektligj që është hartuar nga Ministria e Brendshme i ka shtuar policisë bashkiake më shumë detyrime.
Sipas këtij projektligji dy policitë përveç vendosjes së gjobave për mjetet, do të merren edhe me kontrollin dhe zbatimin e rregullave të qarkullimit rrugor në territorin e juridiksionit të tyre, sipas parashikimeve në Kodin Rrugor dhe sipas parashikimeve të marrëveshjeve të bashkëpunimit që lidhen me Policinë e Shtetit.
Kjo nismë pritet të jetë një “ndihmë” për Policinë Rrugore.
Teksa aksidentet rrugore janë në nivel shqetësues rritës, “Rrugorja” vazhdon të “ankohet” për detyrat që u kanë ngarkuar, ndërsa ka kërkuar ndihmën e Policisë Bashkiake.
Sipas INSTAT në 10 muaj kanë humbur jetën 165 persona si pasojë e aksidenteve që vijnë në rritje. Shumica e përgjegjësve janë të rinjtë që nuk respektojnë rregullat e qarkullimit rrugor në drejtimin e automjeteve. Theksojmë se Policia Rrugore nuk ka qenë në patrullim para se shoferët e pabindur të aksidentojnë këmbësorët.
Stafetën e kësaj përgjegjësie “Rrugorja” ja ka dhënë, Policisë Bashkiake e cila pretendon të ndryshojë nivelin e aksidenteve, vetëm duke apeluar ndaj shoferëve për të respektuar sinjalistikat dhe rregullat.
Bashkiakja do të jetë e detyruar të bashkërendojë punën me Policinë e Shtetit në drejtim të shkëmbimit të informacionit, në funksion të parandalimit të krimit.
Discussion about this post