Veliaj në “aksion”, jep tenderin 30 mln lekë për ndërtimin e “trurit” të Bashkisë

7 ditë më parë

Kryetari i Bashkisë Tiranë, Erion Veliaj, është hedhur sërish në aksion me tenderët, këtë herë kontrata e radhës shkon për interes të institucionit që drejton, sigurisht edhe për të mbushur xhepat e vetë. Veliaj si duket e ka të pamundur të shtyjë një ditë pa hapur një tender, prandaj jo më larg se dje ai ka shpallur tenderin më të çuditshëm me subjekt  “Ngritja e platformës për mbledhjen dhe analizimin e të dhënave në funksion të një vendimmarrje sa më efikase në Institucion”. Kryebashkiaku nuk qenka i ngopur me dhjetëra platformat që ka, të cilat nuk kanë asnjë funksion në shërbim të qytetarëve, por ka vendosur të hap edhe një tjetër platformë abuzive.

Në dokumentin e publikuar thuhet se fondi limit për këtë tender është 29,143,328 lekë, duke shpresuar që nuk do të pësojë fryerje deri në mbylljen e procedurave.  Më tutje evidentohet se kompanitë e interesuar kanë afat të dorëzojnë aplikimet deri në mesditën e 9 dhjetorit. Shpresojmë që të paktën këtë herë Veliaj të mos bëjë ndonjë manovër më garën, që ky tender të mos përfitoj në kategorinë “RedFlag”, ashtu si shumë kontratat të tjera.

Por, faktet dhe dokumentet e publikuara vazhdimisht tregojnë se tendera të tillë, pa ndonjë qëllim pozitiv mbi qytetarët përdoren për të favorizuar kompanitë mike të Veliajt. Gjithsesi, vetëm shpallja e këtij tenderi pa vlerë me një shumë kaq të lartë tregon se Veliaj nuk i ndahet skandaleve dhe vjedhjeve.

E.H/gijotina.com

Të ngjashme