Analisti Armand Shkullaku deklaroi se, Erion Veliaj është thirrur në SPAK për tu pyetur në lidhje me skandalin e madh korruptiv të inceneratorit të Tiranës.
I ftuar në ‘Çim Peka LIVE’ në SYRI TV, Shkullaku thotë se Veliaj është një njeri pa identitet pasi sipas tij e gjithë skena mes SPAK dhe Veliajt është e montuar, dhe e parapërgatitur.
Erion Veliaj e ka ditur se do të thërritet në SPAK, e di kush e ka thirrur, për çfarë do të pyetet. Ai është totalisht fals.
Ai nuk mund të pranojë dot që po kryen një akt normal, e thërret drejtësia dhe paraqitet, prap ai thotë se nuk më ka thirrur drejtësia, por po shkoj vetë.
Erion Veliaj është totalisht personazh pa identitet.
Si politikan ai nuk ka bërë asgjë që të jetë reale. Çdo akt publik i Erion Veliajt është fals, i përgatitur, i montuar dhe i transmetuar. Në njeri që nuk ka asnjë akt te vetin politik, nuk mund të presim ne që të japë këtë përgjigjen që po më kanë thirrur.
Por ai nuk e thotë këtë, ai thotë që po shkoj unë të ndihmoj Altin Dumanin.
Erion Veliaj do të pyetet nesër për inceneratorin e Tiranës.
Këtij nuk i thua dot as Lei Fen.
Ky është një specie e re që nuk ngjan as me heroin e komunizmit kinez, as atë të realizmit socialist.
Ky është një specie e re që nuk ka as dinjitet, as personalitet dhe as kurajo të përballet.
Kjo është sjellje e dikujt që nuk e kontrollon dot, por që i del diçka jashtë propagandës së tij’, tha Shkullaku.
Discussion about this post