Kryebashkiaku i Tiranës, Erion Veliaj, duket se ka ndërmend ta shkatërroj totalisht parkun e ‘Liqenit Artificial’, pasi nuk i ndal gërmimet dhe ndërtimet atje. Pak muaj më parë Gijotina.com raportoi se Veliaj kishte prerë disa pemë dhe po bënte gërmime afër digës së liqenit për t’i lënë hapësirë ndërtimit të një lokali. Por, Veliaj nuk u mjaftuar me kaq, ditën e sotme parku i Liqenit Artificial të Tiranës është pushtuar nga mjetet e rënda, pranë zonës te Garda.
Mjetet e tonazhit te prej ditësh kanë nisur gërmimet duke ngrënë edhe një pjesë të mushkërisë së kryeqytetit që prej kohësh vuan nga smogu të cilit i shtohen edhe godinat shumëkatëshe. Zona është e rrethuar nga rrjeta që paralajmërojnë realizimin e një projekti, por pa asnjë të dhënë më shumë. Ashtu siç e paralajmërojnë këto pamje me zhvendosjen e ngjyrave nga ajo jeshile e barit, pemëve dhe shkurreve në të zezën e asfaltit, parku po dëmtohet gjithmonë e më shumë.
Discussion about this post