Parku Kombëtar i Liqenit Artificial po shkon drejt betonizimit dhe kjo për shkak të ndërtimeve pa kriter që po zhvillon aty Bashkia Tiranë. Pa punimeve në një zonë të parkut afër Gardës , Veliaj po planifikon ndërtime të reja në këtë zonë. Ka publikuar ditët e fundit një tender me objekt “Ndërtim Objekte Shërbimi në PMLAT”, për të cilin janë lënë në dispozicion 20 milionë lekë. Në dokumentet standarde të tenderit nuk janë përcaktuar se çfarë objektesh do të ndërtohen konkretisht, por gjithsesi bëhet fjala për betonizim. Pasi në dokumentin për shpalljen e tenderit vihet re se kompanitë ofertuese duhet të kenë paisje ndërtimi si ekskavator, betoniere etj, gjithashtu duhet të bëjnë ndërtime nën dhe mure.
Rrjedhimisht këto lloj punimesh do të kërkojnë prerje të pemëve dhe shkatërrim të bimëve që ndodhen në park, kur vetëm disa muaj më parë Veliaj preu me dhjetëra pemë. Por, pavarësisht denoncimit nga mediat institucionet përgjegjëse nuk morën asnjë masë. Nga ana e tij, Veliaj vazhdon me planet e ndërtimit dhe betonizimit, duke qenë se i sjellin më shumë të ardhura dhe pastron më lehtë paratë e pista.
Cenohet konkurrenca
Këtë e tregon më së miri fakti që ky tender është zhvilluar në shkelje të ligjit, edhe kur vjen fjala për procedurat e prokurimit. Open Data e ka klasifikuar at në tendera me Red Flag, pasi ka shkelur rregullin e konkurrencës. Në dokumentet e publikuara evidentohet se, ka paraqitur ofertë për këtë tender vetëm kompania “HYSI -2 F” Sh.p.k dhe pa zhvilluar një garë Bashkia Tiranë e ka shpallur atë menjëherë fituese. Kjo mungesë konkurrence cenon tregun e lirë, krijon hapësira për abuzime, si dhe tregon që kemi të bëjmë me fitues të paracaktuar. Këtë konstatim të fundit e tregojnë të dhënat ndër vite për kompaninë. Në to vihet re se “HYSI -2 F” Sh.p.k ka fituar tenderë për ndërtimet nga Veliaj që nga viti 2013, që prej asaj kohe ka qenë një nga klientët e rregullt të Bashkisë Tiranë me çdo vit nga një tender. Me gjithë këto shkelje që mbart ky tender, minimumi presim që APP dh KPP të marrin masa para se projekti të vihet në zbatim.
Discussion about this post