Bashkia Tiranë ka dhënë një tjetër tender në shkelje të hapur të ligjit të konkurrencës. Bëhet fjalë për tenderin me numër reference REF-14308-12-07-2021, që ka si objekt shërbimin dhe mirëmbajtjen e sistemit të biletarisë. Tenderi me fond limit 1,982,400 lekë pa TVSH ose rreth 20 milionë lekë të vjetra, i është dhënë pa garë subjektit fitues duke i cilësuar me “red flag”. Kohëzgjatja e kontratës është 12 muaj, ndërsa pjesëmarrës në këtë tender janë tre subjekte, dy nga të cilët janë skualifikuar nga gara automatikisht për të njëjtën arsye.
Janë skualifikuar operatorët ekonomik, PRIMUS ALBANIA SH.P.K dhe ”FIRST SH.P.K”, pasi nuk kanë të vërtetuar përvojën e mëparshme të punëve të ngjashme e cila është një nga kushtet kryesore që provon aftësinë e operatorit ekonomik për kryerjen e shërbimit të kërkuar me qëllim krijimin e bindjes tek AK se operatori ekonomik do ta kryejë me sukses objektin proçedurë prokurimi. Kompania kontraktuese e tenderit me vlerë rreth 20 milionë lekë është EA solutions sh.p.k, e cila e ka pasur të lirë rrugën për shkak të eliminimit të konkurrencës nga institucioni në varësinë e Bashkisë Tiranë, SH.A Ujesjelles Kanalizime Tiranë, i cili ka skualifikuar dy operatorët e tjerë nga gara duke shkelur hapur ligjin e konkurrencës.
Ky fakt dhe mosparaqitja e dokumentacionit të nevojshëm nga subjektet pjesëmarrëse në garë ngrenë dyshime të mëdha që fituesi mund të jetë i paracaktuar, një traditë kjo e institucionit drejtuar nga Erion Veliaj, i cili bën tendera si kostume të qepura me porosi, ndonëse lideri i tij ka dhënë ultimatum që shkelje të tilla do të marrin ndëshkim ligjor. Ndonëse deklarata e kryeministrit Rama bëri bujë të madhe muaj më pas edhe pse shkeljet janë evidente dhe të raportuara herë pas here, askush nuk është vënë para përgjegjësisë për abuzimin e hapur me taksat e qytetarëve shqiptarë.
Discussion about this post