Incidentet me autobusët e janë kthyer në probleme të zakonshme së fundmi në kryeqytet, ndërsa ende nuk është marrë asnjë masë.
Një tjetër urban ka shfaqur probleme në Tiranë dhe ka bllokuar të gjithë qarkullimin. Në videon e publikuar nga JOQ shihet se një nga urbanët e Tiranës është prishur në qendër të kryeqytetit, në një nga kryqëzimet më kryesore.
Autobusi është fikur në semafor dhe qytetarët janë detyruar të zbresin në mes të kryqëzimit duke rrezikuar edhe jetën.
Në rrugë është krijuar edhe një trafik kilometrik, pasi autobusi ka qëndruar pa lëvizur në kryqëzim. Kjo nuk është hera e parë që urbanët pësojnë defekte. Të paktën pesë aksidente janë regjistruar vetëm këtë vit me mjetet e transportit publik.
Discussion about this post