Nëpërmjet një konference të mbajtur, Kryetari i Bashkisë së Tiranës, Erion Veliaj ka njoftuar se ditën e nesërme datë 18 shtator e cila është edhe ‘Dita botërore e pastrimit’ ka vendosur të hartoj një plan për pastrimin e Tiranës.
Gjatë fjalimit të mbajtur Veliaj u shpreh se gjatë kësaj jave do të merret vendimi për heqjen e licencës së një operatori pastrimi dhe zona do ti kaloj një kompanie publike. “Siç mora një vendim të vështirë, por të drejtë për heqjen e licencës së një linje autobusi, po përgatitem për të marrë një vendim tjetër këtë javë, prapë për heqje licence, por tani të një operatori pastrimi. Ajo zonë, që ka qenë një nga zonat më problematike dhe ku kemi pasur më shumë vërejtje me atë operator, Loti IV, do t’i kalojë kompanisë publike “Eco Tirana” për të kryer pastrimin aty, sepse kjo histori duhet të marrë fund,” deklaroi ai, duke shtuar se, viti i ri shkollor duhet ta gjejë kryeqytetin në një situatë shumë të rregullt“, tha ai.
Duke theksuar se, do të përforcojë masat për të rritur cilësinë e pastrimit në kryeqytetet, Veliaj tha se, në këtë nismë janë bashkangjitur një pjesë e komunitetit, e vullnetarëve dhe të rinjve si dhe gjithë strukturave të bashkisë.
Ai njoftoi se, pastrimi në Tiranë do të zhvillohet në disa pika nevralgjike të përcaktuar në gjithë njësitë e qytetit.
E.H/ gijotina.com/
