Kryetari i Bashkisë Tiranë po jep çdo ditë nga një tender pa garë, ku jo më larg se sot ka shpallur fituese kompaninë mike të tij dhe ka skualifikuar një tjetër pa arsye. Tenderët e Veliajt, përveç se janë shumë të shtrenjtë, jashtë ligjit shpesh janë dhe qesharakë. Këtë herë “qejfliu” i tenderëve pa garë ka vendosur të hap një kontratë me objekt: Blerje lëndë djegëse për përdorim termik, civil dhe industrial. Bashkia ka vendosur të shpenzojë për këtë shërbim mbi 260 milionë lekë pa u menduar dy herë.
Ndërsa skandali nuk mbaron me kaq, në garë janë paraqitur dy kompani, “RESULI-ER” sh.a, të cilën bashkia e skualifikoi me justifikimin se, “Nuk përmbush pikën 1, shkronja b, të kritereve të veçanta të kualifikimit ku është parashikuar se “Kandidati/Ofertuesi duhet të dorëzojë sigurimin e ofertës, sipas pasi operatori ekonomik nuk ka paraqitur sigurimin e ofertës. Ndërsa një tjetër justifikim është se kompania në fjalë nuk ka paraqitur të qartë çmimin për njesi dhe çmimin total të ofertës. Por ana tjetër Erion Veliajt, i duket e përshtatshme të shpallë fituese kompaninë “TRIOS” sha, e cila ofron çmimin më afër fondit limit, ndërsa ligji i prokurimeve kërkon të kundërtën. Konkretisht, ligji thotë se duhet të merret për bazë kompania që bënë ofertën më të ulët dhe më larg vlerës së fondit limit.
Sipas dokumentit, “TRIOS” sha ka paraqitur ofertën me vlerë 25. 769 602,00, pra vetëm 1 milion lekë më pak se fondi limit i përcaktuar. Për sa më sipër edhe në lidhje me kompaninë fituese, kontratat e nënshkruar nuk jepe informacion të qartë. Nuk tregon nëse kjo kompani plotëson të gjitha kriteret dhe cilat janë kushtet e kontratës përfundimtare.
Pra me këtë kontratë të shpallur sot, Erion Veliaj e rrit edhe më shumë listën e tenderëve në shkelje të ligjit. Ndërsa kujtojmë si më të fundit, tenderin për blerje tubash, për të cilin Veliaj do të shpenzojë miliarda lekë. E.H/Gijotina.com/
Discussion about this post