Bashkia e Tiranës nën drejtimin e Erion Veliaj do të mbahet mend edhe si institucioni shqiptar që zë vendin e parë për abuzimet që ka bërë me taksat e qytetarëve. Kjo për faktin se çdo procedurë publike që del nga kjo bashki, është në shkelje të rregullave të prokurimit publik dhe përpos kësaj shpenzon miliona lekë për punë që mund të kushtojnë shumë më pak. Kështu ka vepruar edhe me supertenderin e fundit, ku Veliaj ka rikthyer në skenë kompaninë “Fusha sh.p.k” për t’i dhënë 387 milionë lekë pa garë.
Teksa kriza ekonomike sa vjen e thellohet, Bashkia e Erion Veliajt nëpërmjet Drejtorisë së Pergjithshme të Pastrimit dhe Gjelberimit, ka bërë një supertender për blerje shkurresh dekorative. Procedura mban numrin e referencës REF-24125-04-05-2022 dhe besojeni apo jo ka fondin limit prej 37.821.095 lekë të reja, ose rreth 378 milionë lekë të vjetra. Pra e thënë më thjesht, Lali Eri do shpenzaojë nga taksat e qytetarëve 387 milionë lekë të vjetra për shkurre dekorative. Për këdo që do e dëgjonte, nuk do t’i tingullonte si diçka normale që një shumë kaq e madhe të shpenzohej për një shërbim që nuk kushte krize nuk është shumë i nevojshëm!
Por çudia zgjat aq sa na duhet të mësojmë se kush është kompania fituese dhe si e ka fituar këtë tender. Sipas dokumentit në garë kanë marrë pjesë tre kompani, AlbGarden shpk, DEAN 09 shpk dhe FUSHA shpk. Dhe kur garë merr pjesë kompania “Fusha”, ose e cilësuar si kompania që ka marrë supertenderat e Bashkisë së Tiranës, dihet historia si do vazhdojë. Nga gara janë skualifikuar dy kompanitë e parë AlbGarden shpk, DEAN 09 shpk me të njëjtat arsye: “nuk i plotësojnë kriteret e veçanta të kualifikimit”, dhe kështu është shpallur fituese pa garë kompanina “Fusha sh.p.k”.
Siç e kemi thënë, kur nga gara skualifikohen kompanitë e tjera dhe tenderi zhvillohet vetëm me një konkurrent, ngrihen dyshime se kompania është e paracaktuar, për këtë “Open Data” e ka futur në kategorinë e flamurit të kuq me mbishkrimin e skualifikimit të të gjithë operatorëve ekonomik përveç fituesit.
Por në këtë rast nuk ka dyshime që kompania është e paracaktuar. Duke qenëse favorizohet në procedurat publike, “Fusha sh.p.k” është kompania e parë në renditje për nga përfitimet që ka pasur nga buxheti i shtetit. Që nga viti 2015 e deri më tani, “Fusha” i ka përfituar 5,877,314,645 lekë të reja, ose rreth 59 mliardë lekë të vjetra.
Kjo kompani është e preferuar e Bashkisë së Tiranës pasi ka fituar edhe tenderët me shifra të larta. Kujtojmë këtu disa nga procedurat të fituara prej saj: Në 2017-ën kësaj kompanie iu dhanë dy tendera nga bashkia e Tiranës, pa u zhvilluar garë, që ishin ai i pastrimit të pjesës perëndimore me 330 milionë lekë dhe ndërtimin e këmbëve të urës Menik 154 milionë lekë. Gjithashtu ‘Fusha Sh.p.k’ arriti të fitojë të 3 tenderat për ndërtimin e sheshit “Skëndërbej”, me vlerë totale 12.6 milionë euro. Kjo kompani ka fituar edhe disa tendera nga qeveria qendrore, si Rikonstruksioni Ministrisë së Brendshme por edhe koncensionin e hidrocentralit të Kalivaçit, me vlerë 125 milion euro.
Tenderët mliona lekësh të Lali Erit për “Fusha sh.p.k” nuk kanë fund, i cili edhe në kohë krize ekonomike tregoi se sa fortë e do kompaninë që përfiton taksat e qytetarëve pa asnjë përpjekje. Me 378 mlionë lekë për shkurre dekorative, i bie që ose shkurret janë të pavdekshme, ose Veliaj po mendon të bëjë një pyll orbital në Tiranë.
Gijotina.com
Discussion about this post