Kreu i Bashkisë Tiranë, Erion Veliaj çdo ditë zhvillon të paktën një tender pa garë. Këtë herë radhën fasada e godinës Vllaznia 4. Tashmë të gjithë e dimë që Lali Eri ecën me moton “Fasada dhe propaganda bëjnë punë”. Kështu, edhe për këtë godinë Bashkia Tiranë ka vendosur të shpenzojë 130 milionë lekë. Fituese është firma “Edonil Konstruksion” shpk, në pronësi të Ismail Meços. Në fakt, edhe dy kompani të tjera kanë paraqitur ofertat e tyre, madje 10 milionë më të lirë se fituesi.
Por, Veliaj nuk e ka marrë parasysh këtë kriter të rëndësishëm dhe i ka përjashtuar të dyja. U skualifikuan me argumentin se nuk kanë paraqitur dokumentet provuese për vetdeklarimet. Kështu në garë mbeti vetëm kompania e Meços, të cilit Veliaj ia dha fitoren këtij të fundit pa zhvilluar një garë sikur e kërkon ligji i prokurimeve. Open Data Albania e ka klasifikuar si tender me “Red Flag”, pasi ky prokurim ka cenuar konkurrencën e lirë dhe ka marrë fondin në shkelje të ligjit.
Fituesi abuzues
Në këtë rast kemi të bëjmë sërish me një kompani që fsheh nga pas oligarkët e vërtetë. Kompania “Edonil Konstruksion” shpk është e themeluar në vitin 2000 dhe nga viti 2014 ka marrë vetëm 12 projekte. Por, nga këto projekte vetëm 2 janë ku Edonil Konstruksion” ka konkurruar e vetme.TEk të tjerat ka përfituar duke mbajtur nga pas të tjera kompani. Edhe në të dhënat e publikuar nga Open Data Albania rezulton se kjo kompani ka si firma mëmë dy kompani të tjera. Konkretisht, përfitimet reale të “Edonil Konstruksion” i marrin SNOW ENERGY me pronar Ismail Meço dhe firma STRAVAJ ENERGY me pronar Ymer Dashi.
Të dyja këto kompania kanë probleme me kapitalin dhe financimin. Ato raportojnë të ardhura në luhatje të dukshme nga viti në viti, sidomos në vitet 2018 deri në 2020 ku raportojnë xhiro vjetore jo më të lartë 40 milionë lekë.
Kështu, Veliaj po fut në skemë një kompani të përbashkët të tyre, në mënyrë që mund të stabilizojë gjendjen e tyre financiare, duke u dhënë fonde me tendera pa garë. Duke përdorur një kompani si karrem për të pasuruar oligarkët.
Lex edhe:Veliaj dhuratë fshehurazi Fushës, i fal tenderin 830 mln lekë djalit të Çim Fushës, ja maskimi
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post